ઘટસ્ફોટ / CAG રિપોર્ટમાં પૈસાના ખેલનો ખુલાસો: ગુજરાતની હોસ્પિટલોમાં આયુષ્માન યોજનામાં ભ્રષ્ટાચાર, મોત બાદ પણ સારવાર બતાવાઈ, 13860 દર્દી માત્ર કાગળ

• CAGના રિપોર્ટમાં ખુલાસો, આયુષ્યમાન યોજનામાં થયો ભ્રષ્ટાચાર 
• હોસ્પિટલોએ સરકારી તિજોરીને કર્યું નુકસાન, રિપોર્ટમાં 302 હોસ્પિટલના નામ 
• જુલાઈ 2020ના ડેટા એનાલિસિસના આધારે રિપોર્ટ તૈયાર
• 13,860 દર્દીઓના બોગસ રિપોર્ટ રજૂ કરાયા, સારવારના નામે પડાવાયા રૂપિયા 
• 1,790 લાખની માતબર રકમ હોસ્પિટલને ચૂકવી દેવામાં આવી: CAG રિપોર્ટ

CAG Report On Corruption in Ayushman Yojana : ગુજરાતની હોસ્પિટલોમાં આયુષ્માન યોજનામાં ભ્રષ્ટાચારને લઈ સૌથી મોટા સમાચાર સામે આવ્યા છે. વાત જાણે એમ છે કે, CAG રિપોર્ટ માં પૈસાના ખેલનો ખુલાસો થતાં હડકંપ મચી ગયો છે. પ્રાથમિક વિગતો મુજબ દર્દીના મોત બાદ પણ સારવાર બતાવાઈ હોવાનો ખુલાસો CAG રિપોર્ટ માં થયો છે. આ સાથે 13860 દર્દી માત્ર કાગળ પર હોવાનું પણ સામે આવતા ખળભળાટ મચી ગયો છે. 

પાપી ભ્રષ્ટાચારીઓએ લોકોના મોત પર પણ પૈસા બનાવ્યા, આયુષ્માન યોજના હેઠળ સારવાર બતાવીને પૈસા ભેગા કર્યા. CAG ના રિપોર્ટમાં ગુજરાતની 300થી વધુ હોસ્પિટલોમાં ભ્રષ્ટાચારનો ખુલાસો #gujaratnews #ayushmanyojana #CAG #Corruption #hospitals #vtvcard #vtvgujarati pic.twitter.com/rK8QSV1NT8

— VTV Gujarati News and Beyond (@VtvGujarati) September 8, 2023

રાજ્યની આયુષ્યમાન યોજના હેઠળની હોસ્પિટલમાં ભ્રષ્ટાચારનો ખુલાસો થયો છે. વાત જાણે એમ છે કે, હોસ્પિટલ તંત્ર દ્વારા ભ્રષ્ટાચાર થયાનો CAGના રિપોર્ટમાં ઘટસ્ફોટ થતાં ચકચાર મચી ગઈ છે. વિગતો મુજબ CAG રિપોર્ટમાં હોસ્પિટલ દ્વારા સરકાર પાસેથી નાણા પડાવવા રચાતા કારસાનો ભાંડો ફૂટ્યો છે. વિગતો મુજબ સરકારી તિજોરીને નુકસાન પહોચાડવામાં 302 હોસ્પિટલ સામેલ હોવાનું પણ ખૂલ્યું છે. 

CAG રિપોર્ટમાં થયો સૌથી મોટો ખુલાસો 
વિગતો મુજબ CAG રિપોર્ટમાં હોસ્પિટલ દ્વારા આચરવામાં આવતા કૌભાંડનો ખુલાસો થયો છે. જેમાં જુલાઈ 2020ના ડેટા એનાલિસિસના આધારે કૌભાંડ થયાનું પ્રકાશમાં આવ્યું છે. આ સાથે દર્દીના મૃત્યુ બાદ પણ સારવાર બતાવી નાણા વસુલાયા હોવાનું સામે આવતા હડકંપ મચી ગયો છે. આ સાથે 55 બેડની ક્ષમતા ધરાવતી હોસ્પિટલમાં દાખલ દર્દીની સંખ્યા વધુ બતાવાઈ હોવાનું અને 13,860 દર્દીઓના બોગસ રિપોર્ટ રજૂ કરી સરકાર પાસેથી રૂપિયા વસુલ્યા હોવાનો CAG રિપોર્ટ ઘટસ્ફોટ થયો છે. આ સાથે 1,790 લાખની માતબર રકમ હોસ્પિટલને ચૂકવી દેવામાં આવી હોવાનું પણ સામે આવ્યું છે.