બિઝનેસ / શું 500 રૂપિયાની નોટ બંધ થઈ જશે? RBIએ આપી મહત્વની જાણકારી

RBI: આંધ્રપ્રદેશના મુખ્યમંત્રી ચંદ્રાબાબુ નાયડુએ થોડા દિવસો પહેલા કહ્યું હતું કે કેન્દ્ર સરકારે 500રૂપિયા અને તેથી વધુ મૂલ્યની નોટો પર પ્રતિબંધ મૂકવો જોઈએ, ત્યારબાદ 500 રૂપિયાની નોટ ચર્ચામાં આવી હતી.

સોશિયલ મીડિયા પર 500 રૂપિયાની નોટ બંધ થવાની ચર્ચા ઉડી જેમાં આરબીઆઇના એક નિર્દેશનો ઉલ્લેખ કરવામાં આવ્યો. હવે ભારતીય રિઝર્વ બેંક (RBI) એ 500 રૂપિયાની નોટ વિશે માહિતી આપી છે. ભારતીય રિઝર્વ બેંકે કહ્યું છે કે 500 રૂપિયાની નોટ વૈદ્ય મુદ્રા છે, તેને પાછી ખેંચવાની કોઈ યોજના નથી અને કોઈ સત્તાવાર પગલાં લેવામાં આવ્યા નથી.

ભારત ડિજિટલ ચુકવણીને પ્રોત્સાહન આપી રહ્યું છે અને ઓછા મૂલ્યના ચલણને પ્રાથમિકતા આપી રહ્યું છે. આરબીઆઇએ સ્પષ્ટતા કરી છે કે ATM સંબંધિત તાજેતરના સૂચનોનો હેતુ નાની નોટોની પહોંચ સુધારવાનો છે. 500 રૂપિયાની નોટ પર પ્રતિબંધ મૂકવાની કે પાછી ખેંચવાની કોઈ સત્તાવાર યોજના નથી. ભારતીય રિઝર્વ બેંકે તેને બંધ કરવાનો કોઈ નિર્દેશ જારી કર્યો નથી.

આરબીઆઇએ વધુમાં જણાવ્યું હતું કે આ નોટ માન્ય છે અને દેશભરમાં તમામ વ્યવહારો માટે તેનો ઉપયોગ ચાલુ રહે છે. આરબીઆઇએ જણાવ્યું હતું કે બેંકો અને ATM ઓપરેટરોને ₹100 અને ₹200 ની નોટોની ઉપલબ્ધતા વધારવાનો નિર્દેશ આપવામાં આવ્યો છે.

આ પગલાનો હેતુ નાની નોટોની અછત અંગે લોકોની ફરિયાદોને દૂર કરવાનો અને ₹500 ની નોટોને ધીમે ધીમે દૂર ન કરવાનો હતો. મહાત્મા ગાંધી (નવી) શ્રેણીની નવી ₹500 ની નોટો હજુ પણ છાપવામાં અને પ્રસારિત કરવામાં આવી રહી છે, જે આરબીઆઇ દ્વારા આ મૂલ્યના ઉપયોગને સતત રેખાંકિત કરે છે.

આ પણ વાંચોઃ બિઝનેસ / શેરબજારમાં મોટો કડાકો, રોકાણકારોના એક જ દિવસમાં 184000 કરોડ ડૂબ્યા

આરબીઆઇએ એમ પણ કહ્યું હતું કે ₹500 ની નોટ પાછી ખેંચવા માટે કોઈ સમયરેખા કે નિર્દેશ નથી. ડિજિટલ ચુકવણીઓ ઝડપથી વધી રહી છે. ફક્ત ડિસેમ્બર 2024 માં યુપીઆઇએ ₹23.25 લાખ કરોડના 16.73 અબજ વ્યવહારો પર પ્રક્રિયા કરી, જે નવેમ્બરમાં ₹21.55 લાખ કરોડ હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ