બિઝનેસ / GST ની કમાણીથી ગદગદ થયો સરકારી ખજાનો, ઓગસ્ટમાં 1.86 લાખ કરોડની આવક

Gst Collection August 2025: ઓગસ્ટ મહિનાના જીએસટી કલેક્શનના આંકડા સામે આવ્યા છે. ગયા મહિને જીએસટીમાંથી સરકારી તિજોરીમાં 1.86 લાખ કરોડ રૂપિયા જમા થયા છે. જીએસટી કાઉન્સિલની બેઠક બે દિવસ પછી યોજાવાની છે. આમાં GST સુધારા હેઠળ ટેક્સ સ્લેબની સંખ્યા ઘટાડવા અને જીએસટી દરોને તર્કસંગત બનાવવા પર ચર્ચા થવા જઈ રહી છે.

GST Collection: સરકારે સોમવારે જીએસટી કલેક્શનના આંકડા જાહેર કર્યા છે. સરકારી આંકડાઓ પર નજર કરીએ તો ઓગસ્ટ મહિનામાં કલેક્શન 1.86 લાખ કરોડ રૂપિયા હતું, જે ગયા વર્ષના સમાન સમયગાળા કરતા 6.5 ટકા વધુ છે. તમને જણાવી દઈએ કે ઓગસ્ટ 2024માં તે 1.75 લાખ કરોડ રૂપિયા હતું.

સોમવારે જાહેર કરાયેલા સરકારી આંકડા અનુસાર સ્થાનિક આવકમાં ઉછાળાને કારણે ઓગસ્ટમાં કુલ જીએસટી કલેક્શન 1.86 લાખ કરોડ રૂપિયાથી વધુ પહોંચી ગયું છે. ગયા મહિને આ આવક 9.6 ટકા વધીને રૂ. 1.37 લાખ કરોડ થઈ હતી, જ્યારે આયાત કર 1.2 ટકા ઘટીને રૂ. 49,354 કરોડ થયો હતો. જો આપણે GST રિફંડ પર નજર કરીએ તો તે વાર્ષિક ધોરણે 20 ટકા ઘટીને રૂ. 19,359 કરોડ થયો છે.

એપ્રિલ 2025માં રેકોર્ડ કલેક્શન

આપણે જીએસટી કલેક્શનના અત્યાર સુધીના સૌથી મોટા આંકડા પર નજર કરીએ તો તે આ વર્ષે એપ્રિલ મહિનામાં હતું, જ્યારે સરકારે જીએસટી કલેક્શનથી રૂ. 2.37 લાખ કરોડની કમાણી કરી હતી. જીએસટી લાગુ થયા પછી આ અત્યાર સુધીનો સૌથી વધુ કલેક્શન છે.

3-4 સપ્ટેમ્બરના બેઠક

જીએસટી કાઉન્સિલની 56મી બેઠક 3 અને 4 સપ્ટેમ્બરના યોજાવા જઈ રહી છે, જેમાં આ મુદ્દા પર અંતિમ મહોર લગાવવામાં આવશે.

આ પણ વાંચોઃ બિઝનેસ / ના હોય! માત્ર 5 વર્ષમાં આપ્યું 88000 ટકા રિટર્ન, રોકાણકારોની તો ઝોળી ભરાઇ ગઇ

દેશમાં GSTમાં પરિવર્તનની તૈયારી

વડાપ્રધાન નરેન્દ્ર મોદીએ 15 ઓગસ્ટના સ્વતંત્રતા દિવસ નિમિત્તે લાલ કિલ્લાની પ્રાચીર પરથી નેક્સ્ટ જનરેશન જીએસટી રિફોર્મની જાહેરાત કરી હતી. નવી જીએસટી સિસ્ટમમાં કર પ્રણાલીને સરળ બનાવવા માટે ફક્ત બે દર, 5% અને 18% લાગુ કરવાનો પ્રસ્તાવ છે. તેમણે આશા વ્યક્ત કરી હતી કે દિવાળી પહેલા તેનો અમલ થશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ