રોમાન્સ ભારે પડ્યો / પ્રેમિકાના લવબાઈટથી પ્રેમીનું દર્દનાક મોત, ઘેર જઈને જમતી વખતે ઢળી પડ્યો, કારણ બધાએ જાણવા જેવું

• લવબાઈટ પણ લઈ શકે જીવ
• મેક્સિકોમાં પ્રેમિકાના લવબાઈટથી પ્રેમીનું મોત
• લવબાઈટથી મગજમાં લોહી ગંઠાઈ ગયું 

પ્રેમી અને પ્રેમિકા લાંબા સમય પછી મળે ત્યારે બંને બેકાબૂ બની જાય છે, પ્રેમમાં આ બેકાબુપણું ક્યારેક જીવ લઈ શકે છે આવી એક ઘટના સામે આવી છે જેમાં વધારે પડતા રોમાન્સને કારણે બોયફ્રેન્ડનું મોત થયું હતું. 

મેક્સિકોના યુવાનનું મોત 
મેક્સિકોમાં ગર્લફ્રેન્ડ સાથે રોમાન્સ કર્યા બાદ યુવકનું મોત થયું હતું મોતનું જે કારણ સામે આવ્યું છે તેણે બધાને ચોંકાવી મૂક્યા છે. જુલિયો મેકિયાસ ગોન્ઝાલેઝ નામના 17 વર્ષના છોકરાનું મૃત્યુ તેની ગર્લફ્રેન્ડના લવ બાઈટને કારણે થયું હતું. ઇઝતપાલાપાની રહેવાસી જુલિયાની સ્ટોરી વાયરલ થઇ રહી છે. 

શું બની ઘટના 
જુલિયા માસિયાસ ગોન્ઝાલેઝે જણાવ્યું કે 25 ઓગસ્ટ 2016ના રોજ તે તેની 24 વર્ષની ગર્લફ્રેન્ડ સાથે રોમાન્સ કરી રહ્યો હતો. ત્યારબાદ તેની ગર્લફ્રેન્ડે ગળા પર લવ બાઈટ આપી હતી. પ્રેમિકાએ તેની ગરદન ખૂબ જોરથી બટકું ભર્યું હતું, પ્રેમમાં આ સામાન્ય છે આથી યુવકે તેની પર કંઈ ધ્યાન આપ્યું નહોતું 
આખો દિવસ સાથે વિતાવ્યા પછી બંને પોતપોતાના ઘરે ગયા. છોકરો જ્યારે તેના માતા-પિતા સાથે રાત્રિભોજન કરી રહ્યો હતો ત્યારે તે અચાનક બેહોશ થઈ ગયો અને જમીન પર પડ્યો. જમીન પર પડતાં જ તેનું શરીર સંકોચાઈ ગયું આ પછી તેને તાત્કાલિક હોસ્પિટલ લઈ જવામાં આવ્યો. પરંતુ તેને બચાવી શકાયો ન હતો. 

લવબાઈટથી મગજમાં ગાંઠ થઈ 
તપાસમાં જાણવા મળ્યું કે છોકરાનું મોત લવ બાઈટથી થયું હતું. ગળા પર લવબાઈટ બાદ જુલિયાની ગરદન પર લોહી ગંઠાઈ  ગયું હતું જેને કારણે મગજમાં ગાંઠ થઈ ગઈ હતી જેનાથી મગજની રક્તવાહિનીઓ ફાટી ગઈ અને તેનું મૃત્યુ થયું. આ ઘટના રોમાન્સ કરતી વખતે બેકાબૂ બનેલા કપલ્સ માટે આ એલાર્મ છે.