બેફામ / ખાખીનો ડર ગાયબ? ગુજરાતમાં 7 દિવસમાં પોલીસ પર હુમલાની ત્રણ ઘટનાઓ, આજે ગઢડામાં બુટલેગરે ASI પર હુમલો કર્યો

• બોટાદના ગઢડામાં મહિલા બુટલેગરો બેફામ
• દારૂની રેડ કરવા ગયેલા મહિલા ASI પર હુમલો
• ગઢડાના સામાકાંઠા વિસ્તારની ઘટના

ગુજરાતમાં બુટલેગરો અને ખનન માફિયા બેફામ થયા છે. છેલ્લા 1 સપ્તાહમાં પોલીસ પર હુમલાની ત્રણ ઘટનાઓ બનતા ખળભળાટ મચ્યો છે. વડોદરા અને બોરસદ બાદ બોટાદના ગઢડામાં પોલીસની કાર્યવાહીથી ડરી પોલીસ હુમલાની ઘટના ઘટી છે. ગઢડાના સામાકાંઠા વિસ્તારમાં મહિલા ASI દારૂની રેડ કરવા ગયા હતા જે દરમિયાન મહિલા બુટલેગર શારદા વાઘેલા સાગરીતો સાથે મહિલા ASI પર હલ્લાબૉલ કરી દીધો હતો. જો કે પોલીસે પણ સામે અન્ય ફોર્સ બોલાવી પ્રતિકાર કર્યો હતો. હાલ તો બેફામ દારૂના અડ્ડાઓ ચલાવતી મહિલા બુટલેગર શારદા વાઘેલાની પોલીસે ધરપકડ કરી જરુંરી કાર્યવાહી હાથ ધરી છે. 

સળગતા સવાલ?

• પોલીસ જ અસુરક્ષિત હોય તો જનતાનું કોણ?
• ગઢડાની મહિલા બુટલેગર આટલી બેફામ કેમ છે?
• મહિલા બુટલેગરને કેમ પોલીસનો કોઇ ભય નથી?
• બેફામ મહિલા બુટલેગર પર લગામ ક્યારે?
• શા માટે બુટલેગરો પોલીસને ગાંઠતા નથી?

વડોદરામાં પોલીસવાન પર ટ્રક ચઢાવવાનો પ્રયાસ 
વડોદરામાં પણ પોલીસ પર હુમલાનો બનાવ પ્રકાસમાં આવ્યો છે. ચોરીનો સામાન ભરેલા ટ્રક અંગે પોલીસને જાણ થતાં પોલીસે ટ્રકને રોકવા પ્રયાસો કર્યા હતા. આથી પરિસ્થતિ પારખી ટ્રકના ચાલકે પોલીસ વાન પર ટ્રક ચડાવી કચડી નાખવાનો પ્રયાસ કર્યો હતો. પદમલા બ્રિજ નજીકની આ ઘટનાને લઈને ડ્રાઇવરની સમયસૂચકતાથી આરોપીઓનું આ કૃત્ય નિષ્ફળ નિવડ્યું હતું. પોલીસવાનમાં ASI, કોન્સ્ટેબલ અને ડ્રાઈવર સહિતના કર્મચારીઓ સવાર હતા.નંદેસરી પોલીસે આ પ્રકરણમાં સંડોવાયેલ ટ્રક ચાલક યુનુસ રમજાની અને મોસીન મીઠાની ધરપકડ કરી છે. આ ઘટનામાં ટ્રકમાં સવાર અન્ય 3 આરોપી ફરાર થતા પોલીસે તપાસના ચક્રો ગતિમાન કર્યા છે.

બોરસદમાં પોલીસ જવાન પર ટ્રક ચડાવાય હતી 
મહત્વનું છે કે, હરિયાણા, ઝારખંડ બાદ 20જુલાઇના રોજ બોરસદમાં પણ પોલીસ પર જીવલેણ હુમલો થયો હતો. એક પોલીસ જવાન ઉપર આણંદ ચોકડી પર ડ્યુટી દરમ્યાન  ભરૂચથી કેમિકલના દાણા ભરી સૌરાષ્ટ્ર તરફ જતી ટ્રકને રોકવાનો પ્રયાસ કર્યો હતો. એ દરમ્યાન પોલીસ જવાન ટ્રકચાલકે હુમલો કર્યો હતો. ટ્રક ઊભી ન  રહેતા પોલીસ જવાને પોતાની કારથી ટ્રકનો પીછો કર્યો હતો. દરમ્યાન કારની નીચે ઉતરવા જતા ટ્રક ચાલકે ટ્રક જવાન ઉપર ચડાવી ટ્રક ચાલક ત્યાંથી ફરાર થઇ ગયો હતો.જેમાં પોલીસ જવાનનું મૃત્યુ થયું હતું. જો કે, બાદમાં આરોપી ટ્રક ચાલક ગોપી રામ મિણાને ઝડપી લેવામાં આવ્યો હતો. જેની પૂછપરછમાં અકસ્માત સર્જનાર ટ્રકચાલકે બ્રેક ન લાગી હોવાનો દાવો કર્યો હતો. ટ્રાન્સપોર્ટ માલિકે પણ બ્રેક ન લાગ્યાનું રટણ કર્યું હતું.