મુંબઈ / કૂતરાં કરડતાં અટકાવવા હાઈકોર્ટે સૂચવ્યો ઉપાય, કહ્યું- આવું કરો ક્યારેય નહીં કરડે, જાણીને કહેશો ઠીક કહ્યું કોર્ટે

• બોમ્બે હાઈકોર્ટમાં રખડતાં કૂતરા અંગે અરજી
• જસ્ટિસે ખાવાનું ખવડાવી તકલીફ દૂર કરવાનો આપ્યો ઉપાય
• રખડતાં કૂતરાઓની ધ્યાન રાખવા વોલેન્ટિયર્સની માગી લિસ્ટ

બોમ્બે હાઈકોર્ટે કહ્યું કે જો કૂતરાઓને ખવડાવવામાં આવે અને થોડીઘણી ધ્યાન રાખવામાં આવે તો તે આક્રમક નહીં થાય અને લોકો પર હુમલો નહીં કરે. ઓબ્ઝર્વેશન સીવુડ એસ્ટેટ લિમિટેડની એક યાચિકા પર કોર્ટે સુનાવણી કરી હતી. તે સાથે જ કોર્ટે કહ્યું કે કોર્ટે આ પરિસરમાં પણ કૂતરાઓથી થતી તકલીફોને ખાવાનું ખવડાવીને દૂર કરી છે.

જસ્ટિસે આપ્યો ઉપાય
જસ્ટિસ ગૌતમ પટેલે કહ્યું કે કોઈપણ કૂતરા કે વાઘને તેની પ્રાદેશિક મર્યાદા જણાવી શકતું નથી. એ તમારી સીવુડ એસ્ટેડની બાઉન્ડ્રીને ઓળખી શકતાં નથી. અમને પણ બોમ્બે હાઈકોર્ટમાં આ સમસ્યા હતી. અમે તેને ખાવાનું ખવડાવીને આ સમસ્યાનો ઉપાય લાવ્યો. કોર્ટે કહ્યું કે કૂતરાઓને ખાવાનું ખવડાવવા માટે એક ચોક્કસ જગ્યા નક્કી કરવાની જરૂર હોય છે. એકવાર તે જગ્યાને ઓળખી જાય છે તો પછી તેને વેક્સીનેટ અને સ્ટર્લાઈઝ કરવાનું કામ સરળતાથી કરી શકાય છે.

"Nobody can tell a (stray) dog or a tiger what its territorial limits are...we had this problem in the Bombay Hight Court. We solved it by feeding them. Now they just sleep." pic.twitter.com/T5Jm8nxAoX

— Live Law (@LiveLawIndia) February 23, 2023

વોલેન્ટિયર્સની લિસ્ટ પણ માગી
જસ્ટિસ ગૌતમ પટેલ અને નીલા ગોખલેની બેંચે SELનાં તે વોલેન્ટિયર્સની લિસ્ટ પણ માગી હતી જે કોમ્પલેક્ષની નજીક કૂતરાઓને ખાવાનું ખવડાવાની અને તેનું ધ્યાન રાખવા માટે ખર્ચ કરવા તૈયાર છે. આ સાથે જ કોર્ઠે આ મામલાને 20 માર્ચ સુધી સ્થગિત કર્યું છે.