Alert / જો તમે પણ રસ્તામાં જુઓ આવા બોર્ડ તો તરત થઈ જજો સાવધાન, નહીંતર થઈ શકે છે મોટી દુર્ઘટના

• દેશમાં આખી દુનિયાના 11 ટકા માર્ગ અકસ્માત
• પરિવહન મંત્રાલયે સંસદમાં આંકડા રજૂ કર્યા
• દેશના નેશનલ હાઈવે પર 3750 Black Spots છે

હવે આ જગ્યા પર નહીં થાય અકસ્માત

કોઈ એક સ્પોટ પર ત્રણ વર્ષમાં પાંચ રોડ અકસ્માત થાય અથવા કોઈ સ્પોટ પર 3 વર્ષમાં 10 મોત થાય તો તેને Black Spot માનવામાં આવે છે. હવે આ જગ્યાને Zero Fatality Spots બનાવવાની યોજના છે. એટલેકે એવી જગ્યા જ્યાં એક પણ અકસ્માત ના થાય. જો કે, આ એક એવુ લક્ષ્ય છે, જેને પૂર્ણ કરવાના રસ્તામાં ઘણા રોડ બ્લોક્સ છે. ભારતના કુલ રોડ નેટવર્કમાં નેશનલ અને સ્ટેટ હાઈવે ફક્ત 5 ટકા છે, પરંતુ 5 ટકા રસ્તા પર 48 ટકા અકસ્માત થાય છે.

માર્ગ અકસ્માતના કેસમાં વધારો

મહત્વનું છે કે દેશમાં દર વર્ષે 5 લાખ અકસ્માત થાય છે, જેમાંથી દર વર્ષે 1.5 લાખ લોકોના મોત થાય છે. આ મૃતકોમાં 65 ટકા લોકો 18 થી 45 વર્ષની ઉંમરની વચ્ચેના હોય છે. બોર્ડર રોડ ઓર્ગેનાઈઝેશન એટલેકે BRO મુજબ દેશમાં 1990માં મોતના દસ મોટા કારણોની યાદીમાં રોડ અકસ્માતથી 9મા નંબરે હતો. પરંતુ 2020માં રોડ અકસ્માત ત્રીજા નંબરે આવી ગયો. એટલેકે દેશમાં હાર્ટની બિમારીથી અથવા કોરોના વાયરસના કારણે થતા મોત બાદ સૌથી વધુ મોત અકસ્માતના કારણે થાય છે. 

ભારતે જીત્યો ખિતાબ !

દેશમાં હાર્ટની બિમારીથી દર વર્ષે 4.5 લાખ લોકો મોતને ભેટે છે. ગયા વર્ષે કોરોના વાયરસની બિમારીથી દેશમાં ત્રણ લાખ લોકોના મોત થયા. પરંતુ દેશમાં દર વર્ષે 5 લાખ અકસ્માત થાય છે. એટલેકે દર કલાકે 53 માર્ગ અકસ્માત થાય છે અને દર 4 મિનિટમાં 1 મોત રોડ અકસ્માતના કારણે થાય છે. ભારત આખી દુનિયામાં માર્ગ દુર્ઘટનામાં થતા મોતના આંકડામાં પ્રથમ નંબરે છે. પરંતુ આ એ વન નંબરનો ખિતાબ છે, જે હવે ભારતને જોઈતો નથી. આ અઠવાડિયે સંસદમાં સરકારે એક સવાલના જવાબમાં જણાવ્યું કે રોડ અકસ્માતને ઘટાડવા પર કામ કરાઈ રહ્યું છે.