ઝંઝાવતી પ્રચાર / અમિત શાહની આંખ સામેથી જ મમતાનો કાફલો પસાર થતા લોકો એવું બોલ્યાં કે ભડકી ઉઠ્યાં મમતા દીદી

• નંદીગ્રામમાં એક જ દિવસે અમિત શાહ-મમતા બેનરજી સામસામે
• અમિત શાહે રોડ શો કર્યો, મમતાએ કાઢી પદયાત્રા
• એક ઠેકાણે અમિત શાહે કાકડી આરોગી 
• તો મમતા બોલ્યાં ઠંડા ઠંડા કૂલ, વોટ પડે જોડા ફૂલ

મંગળવારનો દિવસ નંદીગ્રામના લોકો માટે ખાસ રહ્યો. એક જ દિવસે રાજનીતિના બે મહારથી કેન્દ્રીય ગૃહમંત્રી અમિત શાહ અને બંગાળના સીએમ મમતા બેનરજી નંદીગ્રામમાં ચૂંટણી પ્રચાર અર્થે ઉતર્યાં. 

અમિત શાહની ચૂંટણી સભાના સ્થળ સામેથી જ્યારે મમતા દીદીનો કાફલો પસાર થયો ત્યારે લોકો મોટા અવાજે જયશ્રી રામની નારેબાજી કરવા લાગ્યા હતા. કેટલાક કાર્યકરો તો  તેમના કાફલા પાછળ દોડતા દોડતા જયશ્રી રામની નારેબાજી કરતા રહ્યાં હતા. આ જોઈને મમતા બેનરજી પણ કોપાયમાન થયા હતા.

#WATCH: Union Home Minister Amit Shah holds a roadshow in Debra ahead of the second phase of #WestBengalElections on April 1st. pic.twitter.com/5gdrvK7js2

— ANI (@ANI) March 30, 2021

મમતાએ કહ્યું કે ભાજપ તેમની જ પાર્ટીના મહિલા નેતાની હત્યા કરવાનો પ્લાન ધરાવે છે આ માટે તેમણે બિહાર અને યુપીથી ગૂંડા પણ મંગાવ્યાં છે અને દોષનો ટોપલો બંગાળ પર ઢોળી દીધો. આ જ તેમની ચાલ છે. 

#WATCH | They (BJP) have another plan to kill a woman from their own party with goons they have brought from Bihar & UP and put the blame on Bengal. This is their plan: West Bengal CM Mamata Banerjee pic.twitter.com/KujcL52Xho

— ANI (@ANI) March 30, 2021

અમિત શાહે કાકડી આરોગી, મમતા બોલ્યાં ઠંડા, ઠંડા કૂલ કૂલ 

નંદીગ્રામમાં રોડ શો પૂરો થયા બાદ ગૃહમંત્રી અમિત શાહ એક ઠેકાણે રોકાઈને કાકડી ખાધી હતી. આ દરમિયાન તેમની સાથે નંદીગ્રામ ભાજપ ઉમેદવાર શુભેન્દુ અધિકારી પણ હાજર રહ્યાં હતા. અમિત શાહનો રોડ શો પૂરો થયા બાદ મમતા બેનરજીએ પણ આ જ વિસ્તારમાં પદયાત્રા કાઢી હતી. મમતા બેનરજીએ નારો લગાવતા કહ્યું કે ઠંડા-ઠંડા કૂલ, વોટ પડે જોડા ફૂલ. જોડા ફૂલ ટીએમસીનું ચૂંટણી નિશાન છે. પદયાત્રા દરમિયાન હજારો લોકો મમતા સાથે ચાલી રહ્યાં હતા. પોતાના લાડકા નેતાની એક ઝલક મેળવવા લોકો દોડ્યા પણ હતા. 

મમતા બેનરજીએ કહ્યું કે હું બીજી જગ્યાએથી પણ ચૂંટણી લડવા માગતી હતી પરંતુ મેં નંદીગ્રામના લોકોના સન્માન માટે અહીંથી ચૂંટણી લડવાનું વિચાર્યું. નંદીગ્રામ આંદોલનના સન્માનને કારણે મેં સિંગુરને બદલે અહીંથી ચૂંટણી લડવાનો નિર્ણય કર્યો. તેમણે કહ્યું કે હું એક વાર નંદીગ્રામ આવી ગઈ છું એટલે હવે અહીંથી જવાની ન થી. હું અહીં જ રહીશ. આ ઉપરાંત તેમણે નંદીગ્રામના લોકોને ભાજપને ભગાડી મૂકવાનું પણ જણાવ્યું. 

બીજી તરફ રોડ શો દરમિયાન ઉમટી પડેલી ભીડને જોતા અમિત શાહ ખુશ દેખાયા હતા. આ પ્રસંગે અમિત શાહે જણાવ્યું કે જે અભૂતપૂર્વ ઉત્સાહ નંદીગ્રામના લોકોએ દેખાડ્યો છે તેનાથી સુનિશ્ચિત છે કે તેઓ મોટી સરસાઈથી ચૂંટણી જીતી જશે.