ક્રિકેટ / માહીના ફેન્સ માટે મોટા સમાચાર: રિટાયરમેન્ટ મુદ્દે MS ધોનીએ જ કરી દીધું મોટું એલાન, ચાહકોમાં ખુશીની લહેર

• અટકળો લગાવવામાં આવી રહી હતી કે આ ધોનીની છેલ્લી IPL હશે
• ધોની એ જ ગયા વર્ષે કહ્યું હતું કે તે ચેન્નાઈમાં લોકોની સામે રમીને જ નિવૃત્તિ લેશે 
• બધી અટકળો વચ્ચે ધોનીએ પોતાની નિવૃત્તિ અંગે મોટી વાત કહી છે

મહેન્દ્ર સિંહ ધોનીને ઈન્ટરનેશનલ ક્રિકેટમાંથી સંન્યાસ લીધા તેને 3 વર્ષ થઈ ગયા છે પણ એ છતાં તેઓ તે IPLમાં ભાગ લઈ રહ્યો છે. જણાવી દઈએ કે આ સિઝનમાં પણ ધોની ચેન્નાઈ સુપર કિંગ્સની કેપ્ટનશીપ કરી રહ્યો છે. જો કે આ સિઝનની શરૂઆત પહેલા જ એવી અટકળો લગાવવામાં આવી રહી હતી કે આ ધોનીની છેલ્લી IPL હશે, આ અટકળો પાછળનું કારણ એમ છે કે ધોની એ જ ગયા વર્ષે કહ્યું હતું કે તે ચેન્નાઈમાં લોકોની સામે રમીને જ નિવૃત્તિ લેવા માંગશે. 

Handled with care! 🫶🏻#RCBvCSK #WhistlePodu #Yellove 🦁💛 @msdhoni pic.twitter.com/lbXGXdrtQw

— Chennai Super Kings (@ChennaiIPL) April 17, 2023

એવામાં આ વર્ષિની સિઝન એટલે કે IPL 2023 ફરીથી હોમ-અવે ફોર્મેટમાં રમાઈ રહી છે. હવે આ કારણે એવું માનવામાં આવતું હતું કે ધોની આ સિઝન બાદ સંન્યાસ લઈ શકે છે પણ આ બધી અટકળો વચ્ચે ધોનીએ પોતાની નિવૃત્તિ અંગે મોટી વાત કહી છે અને તેઓ નિવૃત્તિ વિશે શું વિચારી રહ્યા છે એ પણ જણાવ્યું છે. 

વાત એમ છે કે ચેન્નાઈ સુપર કિંગ્સ સાથે સંબંધિત એક ઈવેન્ટમાં એમએસ ધોનીને આઈપીએલમાંથી નિવૃત્તિ અંગે પ્રશ્ન પૂછવામાં આવ્યો હતો અને એ પ્રશ્નના જવાબ પર ધોનીએ કહ્યું હતું કે, 'આ અંગે નિર્ણય લેવા માટે હજુ ઘણો સમય છે, અત્યારે મારે IPL 2023માં ઘણી મેચો રમવાની છે અને જો હું એવામાં કંઈક કહું તો કોચ દબાણમાં આવી શકે છે.'

Derby Night Done Right!✅#RCBvCSK #WhistlePodu #Yellove 🦁💛 pic.twitter.com/pGerjSyh5B

— Chennai Super Kings (@ChennaiIPL) April 17, 2023

એટલે હવે ધોનીના નિવેદન પરથી એવી અટકળો લગાવવામાં આવી રહી છે કે હાલ ધોનીનો IPLમાંથી નિવૃત્તિ લેવાનો ઇરાદો નથી. આ સાથે જ એવું માનવામાં આવે છે કે જ્યાં સુધી CSKમાં નવું નેતૃત્વ તૈયાર ન થાય ત્યાં સુધી ધોની લીગનો એક ભાગ બની રહેશે.