હૈદરાબાદ / ભંગારના ગોડાઉનમાં લાગી ભીષણ આગ, અંદર સૂતેલા 11 મજૂરો જીવતા ભૂંજાયા, શટર બંધ હોવાથી ફસાઈ ગયા

• ભંગારની દુકાનમાં આગ લાગી
• હૈદરાબાદના ભોઇગુડાની ભયાનક ઘટના 
• 11 મજૂરો જીવતા બળી ગયા

11 મજૂરો જીવતા બળી ગયા

તેલંગાણાની રાજધાની હૈદરાબાદના ભોઈગુડામાં ભંગારના ગોડાઉનમાં ભીષણ આગ ફાટી નીકળી હતી, જેમાં 11 મજૂરો જીવતા બળી ગયા હતા. મૃત્યુ પામેલા તમામ મજૂરો બિહારના રહેવાસી હોવાનું કહેવાય છે અને તેઓ અહીં જંક વેરહાઉસમાં કામ કરતા હતા.

સ્થળ પર હાજર હૈદરાબાદ ડીસીપી સેન્ટ્રલ ઝોને કહ્યું કે તમામ 11 મૃતદેહોને બહાર કાઢીને પોસ્ટમોર્ટમ માટે હોસ્પિટલમાં લઈ જવામાં આવ્યા છે. હાલ આગ પર કાબુ મેળવી લેવામાં આવ્યો છે.

तेलंगाना: हैदराबाद के भोईगुड़ा में एक कबाड़ की दुकान में आग लगने से 11 लोगों की मौत हो गई। pic.twitter.com/9OOfHlxbYK

— ANI_HindiNews (@AHindinews) March 23, 2022

શટર બંધ હોવાથી કામદારો ફસાઈ ગયા હતા
પોલીસના જણાવ્યા અનુસાર, જંક વેરહાઉસના પહેલા માળે 12 મજૂરો સૂતા હતા. ગ્રાઉન્ડ ફ્લોર પર અચાનક આગ ફાટી નીકળી હતી. કામદારો માટે બહાર નીકળવાનો એકમાત્ર રસ્તો ગ્રાઉન્ડ ફ્લોર પર આવેલી શોપમાંથી પસાર થતો હતો જેના શટર બંધ હતા. આજે સવારે 8 વાગ્યા સુધીમાં 11 મૃતદેહો મળી આવ્યા હતા.

જ્યારે એક મજૂર જે ભાગવામાં સફળ રહ્યો હતો તેને હોસ્પિટલમાં મોકલવામાં આવ્યો હતો.

પોલીસના જણાવ્યા અનુસાર, ફાયર કંટ્રોલ રૂમને સવારે 3 વાગ્યાની આસપાસ એલર્ટ મળ્યો હતો અને નવ ફાયર ટેન્ડરોએ આગને કાબૂમાં લેવા માટે ત્રણ કલાકથી વધુ સમય સુધી જહેમત ઉઠાવી હતી. 

ફાઈબર કેબલમાં આગ લાગી હતી
ગોડાઉનમાં ફાઈબર કેબલમાં આગ ફાટી નીકળી હતી જેના કારણે ધુમાડો ફેલાઈ ગયો હતો અને આગની તીવ્રતા વધુ વધી હતી.

ગોડાઉનમાં દારૂની ખાલી બોટલો, કાગળ, પ્લાસ્ટિક અને અન્ય કેબલ પણ રાખવામાં આવ્યા હતા. પહેલા માળે બે રૂમ હતા અને એક રૂમમાંથી તમામ 11 મૃતદેહો મળી આવ્યા હતા. એકબીજાની ઉપર પડેલા હતા. મૃતદેહોની ઓળખ થઈ શકી નથી.

12 લોકોમાંથી એક વ્યક્તિ બચી ગઈ હતી. આગ પર કાબૂ મેળવવા માટે ડીઆરએફ ઘટનાસ્થળે પહોંચી ગયું હતું. આગ લાગવાનું કારણ શોક સર્કિટ હોઈ શકે છે. અમે મામલાની તપાસ કરી રહ્યા છીએ: મોહન રાવ, ગાંધી નગર એસએચઓ