પર્દાફાશ / ચેતજો! સુરતમાં ડુપ્લિકેટ તેલ વેચનારા 8 વેપારીને ત્યાં એક સાથે દરોડા, 54 ડબ્બામાં મળ્યા ડુપ્લિકેટ માર્કા

Vishal Dave

Last Updated: 10:00 PM, 19 April 2024

FOLLOW ON

શેર કરો

તિરૂપતિ ઓઇલ નામની ખૂબ જાણીતી બ્રાન્ડનું ડુપ્લીકેટ લેબલિંગ કરી વેચતા 8 વિક્રેતાઓને ત્યાં આજે તિરૂપતિ ઓઇલ અને પોલીસે સંયુક્ત રીતે દરોડા પાડ્યા હતા

સુરતમાં નકલી માર્કશીટ, નકલી ઘી, નકલી સરકારી અધિકારી બાદ હવે નકલી સીંગતેલનો જથ્થો ઝડપાયો છે તિરૂપતિ ઓઇલ નામની ખૂબ જાણીતી બ્રાન્ડનું ડુપ્લીકેટ લેબલિંગ કરી વેચતા 8 વિક્રેતાઓને ત્યાં આજે તિરૂપતિ ઓઇલ અને પોલીસે સંયુક્ત રીતે દરોડા પાડ્યા હતા..

ડીસીપી ભગીરથ ગઢવીને લિંબાયતમાં કેટલાંક વેપારીઓ ડુપ્લીકેટ તેલના ડબ્બાનું વેચાણ કરતા હોવાની બાતમી મળી હતી.ડીસીપીએ આ અંગે લિંબાયત પોલીસ ઈન્સ્પેક્ટર એસ.બી. પઢેરીયા અને તેમની ટીમને આ અંગે કાર્યવાહી કરવા સૂચના આપી હતી. જે બાદ લિંબાયત વિસ્તારમાં તપાસ હાથ ધરાઇ હતી. આ દરોડા કાર્યવાહીનો વીડિયો પણ બનાવી લેવાયો હતો.

આ પણ વાંચોઃ કરોડોના ખર્ચે સુરતના શાહ ગામે બ્રિજ તો બન્યો, પરંતુ મેટલ પાથરીને કોન્ટ્રાક્ટર ગાયબ થઇ જતા ગ્રામજનો અકળાયા

લિંબાયત વિસ્તારમાં અલગ અલગ આઠ કિરણા સ્ટોર્સની દુકાનોમાં રેઈડ કરાઈ હતી. એન.કે. પ્રોટીન્સ પ્રા.લિ., તિરુપતિ કપાસિયા તેલના કુલ 54 ડબ્બા ઉપર લેબલ તથા બૂચની કોપી કરી ડુપ્લીકેટ લેબલવાળું તેલ બજારમાં વેચાણ થતું હોવાનો ખુલાસો થયો હતો. પોલીસે ગેરકાયદે ડુપ્લીકેટ માર્કાવાળું ભેળસેળિયું તેલ વેચાણ કરનારાઓ વિરુદ્ધ કોપી રાઈટ એક્ટ મુજબ કાયદેસર કાર્યવાહી હાથ ધરી છે.