ૐ શાંતિ / ચોથી ટેસ્ટ મેચ પહેલા સામે આવ્યા ખરાબ સમાચાર, ઓસ્ટ્રેલિયાના કેપ્ટન પેટ કમિન્સની માતાનું થયું નિધન

• ઓસ્ટ્રેલિયાના કેપ્ટન પેટ કમિન્સની માતાનું નિધન
• ગુરુવારે રાત્રે એમને અંતિમ શ્વાસ લીધા

ભારત અને ઓસ્ટ્રેલિયા વચ્ચે ચોથી ટેસ્ટ મેચ અમદાવાદના નરેન્દ્ર મોદી સ્ટેડિયમમાં રમાઈ રહી છે એવામાં હાલ એક દુઃખદ સમાચાર સામે આવ્યા છે. જણાવી દઈએ કે ઓસ્ટ્રેલિયાના કેપ્ટન પેટ કમિન્સની માતાનું નિધન થયું છે અને એમને ઓસ્ટ્રેલિયામાં અંતિમ શ્વાસ લીધા. 

નોંધનીય છે કે કમિન્સ ભારતમાં રમાઈ રહેલી બોર્ડર ગાવસ્કર સીરિઝ છોડીને તેની માતાને મળવા ઓસ્ટ્રેલિયા ગયો હતો પણ હાલ સમાચાર આવી રહે છે કે એમની માતાનું અવસાન થયું છે. ગુરુવારે રાત્રે એમને અંતિમ શ્વાસ લીધા હતા. કમિન્સ તેની માતાની નાદુરસ્ત તબિયતને કારણે બોર્ડર ગાવસ્કર સિરીઝ પણ પૂરી કરી શક્યો ન હતો. અચાનક સીરિઝ છોડીને જવા પર સ્ટીવ સ્મિથને ટીમનો કેપ્ટન બનાવવામાં આવ્યો હતો. 

We are deeply saddened at the passing of Maria Cummins overnight. On behalf of Australian Cricket, we extend our heartfelt condolences to Pat, the Cummins family and their friends. The Australian Men's team will today wear black armbands as a mark of respect.

— Cricket Australia (@CricketAus) March 10, 2023

આ સાથે જ મળતી માહિતી મુજબ આજે ચોથી ટેસ્ટ મેચના બીજા દિવસે ઓસ્ટ્રેલિયાની આખી ટીમ કમિન્સની માતાને શ્રધ્ધાંજલિ આપવા માટે કાળી પટ્ટી પહેરીને મેદાનમાં ઉતરશે. ઓસ્ટ્રેલિયન ટીમ આજે પેટ કમિન્સની માતા મારિયાના સન્માનમાં 'બ્લેક આર્મ બેન્ડ' પહેરીને ભારત સામે રમશે. 

ક્રિકેટ ઓસ્ટ્રેલિયાએ એક નિવેદન જારી કરીને કહ્યું કે, 'અમને મારિયા કમિન્સના નિધનથી ખૂબ જ દુઃખ થયું છે. ક્રિકેટ ઓસ્ટ્રેલિયા વતી, અમે પેટ કમિન્સના પરિવાર અને મિત્રો પ્રત્યે દિલથી સંવેદના વ્યક્ત કરીએ છીએ.'

On behalf of Indian Cricket, we express our sadness at the passing away of Pat Cummins mother. Our thoughts and prayers are with him and his family in this difficult period 🙏

— BCCI (@BCCI) March 10, 2023