નેશનલ / "જનસંખ્યા નિયંત્રણને લઈને કાયદો બનાવવો ખૂબ જરૂરી, આટલી વસ્તી..." વધતી આબાદીને લઈને બાબા રામદેવે આપ્યું આવું નિવેદન

• જનસંખ્યાને લઈને રામદેવનું નિવેદન 
• કહ્યું બનવો જોઈએ જનસંખ્યા નિયંત્રણનો કાયદો
• આટલી વસ્તીનો બોજો નહીં સહન કરી શકે દેશ 

યોગ ગુરૂ સ્વામી રામદેવે એક વખત ફરી જનસંખ્યા નિયંત્રણ પર કાયદો બનાવવાની વાત કહી છે. તેમણે કહ્યું કે દેશમાં જનસંખ્યા નિયંત્રણનો કાયદો બનવો જોઈએ. રામજેવે કહ્યું કે દેશની જનસંખ્યા દેશની હાલની સ્થિતિથી ખૂબ જ ગંભીર છે. માટે દેશની સંસદમાં જનસંખ્યા નિયંત્રણને લઈને કાયદો બનવો ખૂબ જ જરૂરી છે. 

જનસંખ્યા નિયંત્રણ કાયદો જરૂરી 
યોગ ગુરૂ બાબા રામદેવે કહ્યું છે કે 140 કરોડની આબાદી થઈ ગઈ છે અને દેશ તેનાથી વધારે બોજો સહન નહીં કરી શકે. તેમણે કહ્યું, "અમે આટલા જ લોકોને રેલવે, એરપોર્ટ, કોલેજ યુનિવર્સિટી, રોજગાર આપી શકીએ તો તેજ સારૂ છે. દેશની સંસદમાં જનસંખ્યા નિયંત્રણનો કાયદો પણ બનવો જોઈએ ત્યારે જ આપણે દેશના સંસાધનોનો યોગ્ય રીતે દોહન કરી શકીશું. દેશના ઉપર વધારે બોજો ન હોવો જોઈએ."

PM મોદીનો માન્યો આભાર 
ઉત્તરાખંડને પહેલી વંદે ભારત એક્સપ્રેસ મળવા પર પીએમ મોદી અને રેલ મંત્રી અશ્વિની વૈષ્ણવનો આભાર માનતા સ્વામી રામદેવે કહ્યું, "હરિદ્વાર ઉત્તરાખંડ માટે ખૂબ જ ગર્વની વાત છે દિલ્હી-દેહરાદૂન રૂટ પર વંદે ભારત એક્સપ્રેસ ટ્રેનની શરૂઆત થઈ રહી છે. પ્રધાનમંત્રીજીએ એક ખૂબ મોટી ભેટ આપી છે દેવભુમિને, તેના માટે અમે તેમનો આભાર વ્યક્ત કરીએ છીએ."

પહેલા પણ કરી ચુક્યા છે માંગ 
પહેલી વખત નથી જ્યારે સ્વામી રામદેવે જનસંખ્યા નિયંત્રણ કાયદાની વાત કહી હોય. આ પહેલા પણ ઘણા અવસરો પર તેમણે આ મુદ્દો ઉઠાવ્યો છે. અમુક સમય પહેલા જ તેમણે કહ્યું હતું કે બે બાળકો બાદ જન્મ લેનાર બાળકોને મતાધિકાર, ચૂંટણી લડવાનો અધિકાર અને અન્ય સરકારી સુવિધાઓથી વંચિત કરી દેવા જોઈએ. 

સ્વામી રામદેવે કહ્યું કે જે રીતે દેશની જનસંખ્યા વધી રહી છે તેના માટે ભારત તૈયાર નથી અને કોઈ પણ દિશામાં ભારતની આબાદી 150 કરોડથી વધારે ન હોવી જોઈએ.