વિવાદિત નિવેદન / DMK બાદ હવે મમતા દીદીની પાર્ટીએ રામ મંદિરનો ખૂલીને કર્યો વિરોધ: ભત્રીજાએ કહ્યું- નફરત પર બનેલ ધર્મસ્થળ સ્વીકાર્ય નથી

• TMCના નેતા અભિષેક બેનર્જીએ રામ મંદિર પર આપ્યું વિવાદિત નિવેદન 
• કહ્યું, 'નફરત અને નિર્દોષોના મૃતદેહો પર બનેલ ધર્મસ્થળ સ્વીકાર્ય નથી' 
• સાથે જ TMC આજે કોલકાતામાં સર્વધર્મ રેલીનું આયોજન કરી રહી છે. 

તૃણમૂલ કોંગ્રેસ (TMC)ના વરિષ્ઠ નેતા અભિષેક બેનર્જીએ રવિવારે કહ્યું હતું કે તેમના ધર્મે તેમને એવા પૂજા સ્થળને સ્વીકારવાનું શીખવ્યું નથી જે "નફરત, હિંસા અને નિર્દોષોના મૃતદેહો" પર બનેલું હોય. લોકસભાના સભ્ય અભિષેકે અયોધ્યામાં રામ મંદિરના અભિષેક સમારોહની પૂર્વ સંધ્યાએ 'X' પર એક પોસ્ટમાં આ ટિપ્પણી કરી હતી.

My RELIGION has not taught me to accept and embrace a place of worship, whether it be a MANDIR, MASJID, CHURCH or GURUDWARA, which has been built over HATRED, VIOLENCE and the dead bodies of innocents. Period!

— Abhishek Banerjee (@abhishekaitc) January 21, 2024

પશ્ચિમ બંગાળના મુખ્યમંત્રી મમતા બેનર્જીના ભત્રીજા અભિષેકે કહ્યું, "મારા ધર્મે મને એવા પૂજા સ્થળે ભલે તે મંદિર, મસ્જિદ, ચર્ચ અથવા ગુરુદ્વારા હોય, પરંતુ જે નફરત, હિંસા અને નિર્દોષોના મૃતદેહો પર બનેલ હોય તે સ્વીકારવાનું શીખવ્યું નથી.'' TMC આજે કોલકાતામાં સર્વધર્મ રેલીનું આયોજન કરી રહી છે અને આ રેલી નેતૃત્વ મુખ્યમંત્રી કરશે.આ સાથે જ રાજ્યના અન્ય ભાગોમાં પણ આવી જ રેલીઓનું આયોજન કરવામાં આવી રહ્યું છે. 

વધુ વાંચો: અસ્થાયી ટેન્ટ મંદિરમાંથી રામલલાના ભવ્ય મંદિરના ગર્ભગૃહમાં બિરાજમાન, નવી મૂર્તિના પાસે જ સ્થાન, કરી લો દર્શન

એક તરફ જ્યાં ભારતીય જનતા પાર્ટી (BJP)એ કહ્યું કે જ્યારે દેશ અયોધ્યામાં પ્રાણ પ્રતિષ્ઠાની આતુરતાથી રાહ જોઈ રહ્યો છે, ત્યારે અભિષેક બેનર્જીએ આવું નિવેદન આપ્યું છે.