બિઝનેસ / કોચિંગથી યુટ્યુબ ચેનલ સુધી, આવક કરોડોમાં, જાણો કેટલી સંપત્તિના માલિક છે અવધ ઓઝા

Avadh Ojha Net Worth : મોટીવેશનલ સ્પીકર અને પ્રખ્યાત શિક્ષક જે સિવિલ સર્વિસીસ માટે તૈયારી કરાવતા અવધ ઓઝાએ તેમની રાજકીય ઇનિંગ્સ શરૂ કરી છે. વાસ્તવમાં આજે એટલે કે 2 ડિસેમ્બર 2024ને સોમવારે અવધ ઓઝાએ આમ આદમી પાર્ટીની સદસ્યતા લીધી છે. AAPના કન્વીનર અરવિંદ કેજરીવાલે તેમને પાર્ટીનો ઝંડો પહેરાવીને સભ્યપદ અપાવ્યું હતું. યુપીના ગોંડાના રહેવાસી અવધ ઓઝા દિલ્હી વિધાનસભા ચૂંટણી લડી શકે છે. જોકે હજી સુધી આ અંગે કોઈ સત્તાવાર જાહેરાત કરાઇ નથી.

આમ આદમી પાર્ટીમાં સામેલ થતાં અવધ ઓઝાએ દિલ્હીની શિક્ષણ પ્રણાલીના વખાણ કર્યા અને કહ્યું કે, જો આપણે દેશનો સાચા અર્થમાં વિકાસ કરવો હોય તો સૌપ્રથમ શિક્ષણ પ્રણાલીને મજબૂત કરવી પડશે. આ તેમણે કહ્યું કે, આજે હું સત્તાવાર રીતે આમ આદમી પાર્ટીનો સભ્ય બની ગયો છું અને હવે પાર્ટી મને જે કરવાનું કહેશે તે કરીશ. આ દરમિયાન અરવિંદ કેજરીવાલે કહ્યું કે, રાજનીતિમાં આવવાથી શિક્ષણ ક્ષેત્રે વધુ સારું કામ થશે.

અવધ ઓઝા પોતાના મોટિવેશનલ સ્પીચના કારણે હેડલાઈન્સમાં રહે છે, તેમના વીડિયો અને વાતો યુવાનો દ્વારા ખૂબ પસંદ કરવામાં આવે છે, જેના કારણે તે સોશિયલ મીડિયા પર ખૂબ વાયરલ થઈ જાય છે. તેમની સારી ફેન ફોલોઈંગ છે. જોકે તેમનો રાજકારણ તરફનો ઝુકાવ હંમેશા દેખાતો રહ્યો છે. આ પહેલા તેઓ પ્રયાગરાજ સીટ પરથી ચૂંટણી લડવા માંગતા હોવાની પણ ચર્ચા હતી પરંતુ ભાજપે તેમને ટિકિટ આપી ન હતી.

શું તમે જાણો છો કેટલી છે અવધ ઓઝાની નેટવર્થ ?

અવધ ઓઝાનું પૂરું નામ અવધ પ્રતાપ ઓઝા છે. તેમના પિતા શ્રીમાતા પ્રસાદ ઓઝા પોસ્ટમાસ્ટર હતા અને માતા વકીલ હતા. અવધ ઓઝાનું પ્રાથમિક શિક્ષણ ગોંડામાંથી જ થયું હતું. સ્નાતક થયા પછી તેમણે IAS બનવાની ઇચ્છા વ્યક્ત કરી જેના માટે તે UPSCની તૈયારી કરવા દિલ્હી આવ્યા. પરંતુ તે મુખ્ય પરીક્ષા પાસ ન કરી શક્ય જેના પછી તેમણે વિદ્યાર્થીઓને કોચિંગ આપવાનું શરૂ કર્યું. સ્ટુડન્ટ્સને અવધ ઓઝાની ભણાવવાની રીત ખૂબ જ ગમી, ત્યારપછી તેમની લોકપ્રિયતા ઘણી વધી ગઈ. જે પછી તેમણે 2020 માં RAY અવધ ઓઝા નામની પોતાની યુટ્યુબ ચેનલ શરૂ કરી.

વધુ વાંચો : Video: ખેડૂતો 'ચલો દિલ્હી' આંદોલનના રસ્તે, હજારો વાહનચાલકો હેરાન, ભારે માત્રામાં પોલીસ ફોર્સ તૈનાત

આ સિવાય તેમની પાસે એક ઓફિશિયલ એપ અવધ ઓઝા પણ છે. તે કોચિંગ માટે સારી ફી પણ લે છે. મીડિયા રિપોર્ટ્સ અનુસાર તેમની કુલ સંપત્તિ 11 કરોડ રૂપિયા છે. આ સિવાય તેમની પાસે ફોર્ચ્યુનર કાર છે. અવધ ઓઝા ક્લાસીસની અધિકૃત વેબસાઈટ અનુસાર તેમના UPSC GS ફાઉન્ડેશન કોર્સની ફી 80 હજાર રૂપિયા છે. જ્યારે ઑફલાઇન મોડમાં ફી 1.2 લાખ રૂપિયા છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ