- અતીકનાં મર્ડરને લઈને જનતાની સલાહ લેવામાં આવી
- ખાનગી ચેનલ ABPએ કર્યો સર્વે
- આશરે 1892 લોકોએ આપ્યું પોતાનું મંતવ્ય
માફિયા અને પૂર્વ સાંસદ અતીક અહમદ અને તેના ભાઈ અશરફની 15 એપ્રિલની રાતે ગોળી મારીને હત્યા કરી દેવામાં આવી હતી. આ સમગ્ર મામલો મીડિયાનાં કેમેરામાં કેદ થયો હતો. આ ઘટનાનાં 2 દિવસ પહેલાં પોલીસ એન્કાઉન્ટરમાં અતીકનો દીકરો અસદ પણ મૃત્યુ પામ્યો હતો. આ સમગ્ર મામલાને લઈને ખાનગી ચેનલ ABPએ એક સર્વે કર્યો હતો.
જનતાને પૂછવામાં આવ્યાં પ્રશ્નો
વિપક્ષી નેતાઓ ભાજપ પર આરોપો મૂકી રહ્યાં છે ત્યારે સામાન્ય જનતા શું કહી રહી છે તે અંગે જાણકારી આ ખાનગી ચેનલે મેળવી હતી જેનો ડેટા રજૂ કરવામાં આવ્યો છે. ABP ન્યૂઝ માટે C વોટરે સર્વે કર્યો હતો જેમાં જનતાને સવાલ કરવામાં આવ્યો કે અતીકનાં મોતનું કારણ તેઓ શું માને છે. તેના પર લોકોએ જે જવાબ આપ્યો તે જોઈને તમે ચોંકી જશો.
અતીકનાં મોતનું કારણ લોકોનાં દ્રષ્ટિકોણથી શું છે?
- પરસ્પર દુશ્મનાવટ - 8%
- રહસ્યો જાહેર થવાનો ભય - 29%
- ગેંગવોર - 19%
- સરકારની બદનામી કરવાનો ઈરાદો - 27%
- ખબર નથી - 17%
સર્વેમાં જોડાયેલા 29% લોકોનું એવું માનવું છે કે રહસ્યો સામે આવી જવાનાં ભયથી તેની હત્યા કરી દેવામાં આવી હતી. જ્યારે 27% લોકોનું માનવું છે કે સરકારની બદનામી કરવાનાં ઈરાદાથી તેનો મર્ડર કરવામાં આવ્યો છે. 19% લોકોએ ગેંગવોર જણાવ્યું છે.
પોલીસની અસફળતા અંગે પણ પૂછાયો પ્રશ્ન
સર્વેમાં વધુ એક પ્રશ્ન કરવામાં આવ્યો હતો કે અતીકની હત્યા શું પોલીસની અસફળતા છે? તેના પર 35% લોકોએ કહ્યું કે હા, આ પોલીસની અસફળતા કહેવાય જ્યારે 33% લોકોએ ના માં જવાબ આપ્યો હતો. 32% લોકોએ ખબર નથી એવું કહ્યું.
આ સર્વેમાં 1892 લોકોની સલાહ લેવામાં આવી છે.
