ASIA CUP 2023 / ભારત- નેપાળની મેચમાં પણ વરસાદ વિલન બનશે તો? ટીમ ઈન્ડિયા કેવી રીતે પંહોચશે સુપર-4માં? જાણો કેવું બને છે મેચનું સમીકરણ

• આંતરરાષ્ટ્રીય ક્રિકેટમાં ભારત પ્રથમ વખત નેપાળ સામે ટકરાવા જઈ રહ્યું છે
• પ્રશ્ન એ છે કે, ભારત- નેપાળની મેચમાં પણ વરસાદ આવે તો?
• આજનું હવામાન અહેવાલ શું કહે છે જાણો

Asia Cup 2023 IND vs NEP: આજે એશિયા કપ 2023ની 5મી અને મહત્વની મેચ ભારત અને નેપાળ વચ્ચે રમાવાની છે. આ મેચ જીતનારી ટીમ સુપર-4 માટે ક્વોલિફાય થશે અને હારનાર ટીમની સફર આ ટુર્નામેન્ટમાં અહીં જ સમાપ્ત થશે. ભારત આંતરરાષ્ટ્રીય ક્રિકેટમાં પ્રથમ વખત નેપાળ સામે ટકરાવા જઈ રહ્યું છે, આવી સ્થિતિમાં ભારતની ટીમ સામે નેપાળ ખૂબ જ દબાણમાં હશે. 

Bangladesh have jumped to the 2nd position after a crucial win last night!

We are getting close to the end of the group stages - which teams will make it to the Super 4s? 💪#AsiaCup2023 pic.twitter.com/mZW0SViiOd

— AsianCricketCouncil (@ACCMedia1) September 4, 2023

ભારત- નેપાળની મેચમાં પણ વરસાદ આવે તો?
જો કે ક્રિકેટ અનિશ્ચિતતાઓની રમત છે,આમાં ક્યારે શું થશે તે કોઈ કહી શકતું નથી. આવી સ્થિતિમાં જો નેપાળ ભારતને હરાવવામાં સફળ થાય છે તો ટીમ ઈન્ડિયાની સફર અહીં સમાપ્ત થઈ શકે છે. આ સિવાય ફેન્સનો એક વધુ સવાલ છે જે તેમને ખૂબ જ પરેશાન કરી રહ્યો છે. જો ભારત- નેપાળની મેચ ભારત-પાકિસ્તાનની મેચની જેમ ધોવાઈ જશે તો નિર્ણય કેવી રીતે લેવામાં આવશે? જો તમારા મનમાં પણ આવો જ કોઈ પ્રશ્ન ચાલી રહ્યો હોય તો તેનો જવાબ અમે તમને આપીશું.

ભારત અને નેપાળની મેચ વરસાદને કારણે ધોવાઈ ગયા બાદ સુપર-4 ટીમ કેવી રીતે નક્કી કરવામાં આવશે? આવો જાણીએ-

હવામાન અહેવાલ શું કહે છે જાણો
ભારત અને નેપાળ મેચનું સમીકરણ જાણતા પહેલા પલ્લેકલ સ્ટેડિયમના હવામાન અહેવાલ વિશે જણાવીએ. Accuweatherના રિપોર્ટ અનુસાર, ભારત અને નેપાળ મેચ દરમિયાન વરસાદની 89 ટકા શક્યતા છે. આવી સ્થિતિમાં આ મેચ ધોવાઈ જવાની પૂરી શક્યતાઓ છે. સાથે જ સાંજે 7 વાગ્યા પછી હળવા વરસાદની સંભાવના છે, આવી સ્થિતિમાં ચાહકોને 20-20 ઓવરની મેચ જોવાની આશા રાખી શકાય છે.

Tomorrow - Indian team will be playing against Nepal for the first time in International cricket. pic.twitter.com/7DUKNNSjHS

— Johns. (@CricCrazyJohns) September 3, 2023

ભારત અને નેપાળ વચ્ચેની મેચ વરસાદને કારણે ધોવાઈ જાય તો શું થશે?
પાકિસ્તાન એશિયા કપ 2023ના ગ્રુપ-એ માંથી સુપર-4 માટે ક્વોલિફાય થઈ ગયું છે. આજે ભારત અને નેપાળ વચ્ચે નોકઆઉટ મેચ રમાવાની છે, જે ટીમ આ મેચ જીતશે તેને સુપર-4ની ટિકિટ મળશે. બીજી તરફ જો વરસાદના કારણે મેચ ધોવાઈ જશે તો તેનો ફાયદો ભારતને જ મળશે.

ભારત 2 પોઈન્ટ સાથે સુપર-4માં પ્રવેશ કરશે
પાકિસ્તાન સામેની મેચ ધોવાઈ ગયા બાદ ભારતના ખાતામાં 1 પોઈન્ટ છે, જો નેપાળ સામેની મેચમાં પણ વરસાદ પડે તો ટીમ ઈન્ડિયાને વધુ 1 પોઈન્ટ મળશે અને ભારત 2 પોઈન્ટ સાથે સુપર-4માં પ્રવેશ કરશે. બીજી તરફ, વરસાદને કારણે મેચ ધોવાઈ જતાં નેપાળને માત્ર 1 પોઈન્ટ મળશે અને તે સુપર-4માં પહોંચી શકશે નહીં. નેપાળને તેની પ્રથમ મેચમાં પાકિસ્તાનના હાથે 238 રનથી કારમી હારનો સામનો કરવો પડ્યો હતો.

Pakistan register a massive victory to start off their Asia Cup campaign 💪#PAKvNEP | 📝: https://t.co/1gff7IhTyI pic.twitter.com/Q5RMdNchlB

— ICC (@ICC) August 30, 2023

નિષ્કર્ષ એ છે કે જો વરસાદના કારણે મેચ ધોવાઇ જાય તો ટીમ ઇન્ડિયા સુપર-4માં પહોંચી જશે અને વરસાદ ન પડે તો નેપાળને આગામી રાઉન્ડમાં પહોંચવા માટે ભારતને કોઇપણ સંજોગોમાં હરાવવું પડશે.