ટીમ ઈન્ડીયાને ઝટકો / એશિયા કપ અધવચ્ચે છોડીને ભારત આવ્યો બુમરાહ? અપાયું આવું કારણ, હવે શું થશે?

• એશિયા કપ છોડીને શ્રીલંકાથી ભારત આવ્યો જસપ્રિત બુમરાહ
• અંગત કારણોસર પાછો આવ્યો હોવાનું જણાવાયું
• આવતીકાલે નેપાળ સામે ભારતની મેચમાં નહીં રમે

એશિયા કપ 2023 વચ્ચેની ટૂર્નામેન્ટમાં ભારતીય ટીમને મોટો ઝટકો લાગ્યો છે. સ્ટાર ફાસ્ટ બોલર જસપ્રિત બુમરાહ પોતાના ઘરે પરત ફર્યો છે. બુમરાહના ભારત પાછા આવવાનું કારણ અંગત ગણાવાયું છે. ભારતીય ટીમને સોમવારે (3 સપ્ટેમ્બર) નેપાળ સામે પોતાની બીજી મેચ રમવાની છે. બુમરાહ આ મેચમાં નહીં રમે. જોકે બુમરાહ ટૂંક સમયમાં જ ટીમમાં ફરી જોડાશે. તે નેપાળ સામેની મેચ રમશે નહીં. પરંતુ ત્યાર બાદ તે સુપર-4 માટે ભારતીય ટીમ સાથે જોડાશે. બુમરાહ અંગત કારણોસર ઘરે પરત ફરી રહ્યો હોવાની માહિતી મળી છે.

Jasprit Bumrah has returned to Mumbai due to personal reasons.

He'll be available for the Super 4 stage of Asia Cup 2023. (Dainik Jagran). pic.twitter.com/ClUb2aO1oE

— Mufaddal Vohra (@mufaddal_vohra) September 3, 2023

હજુ હમણાં તો ટીમમાં આવ્યો છે 
બુમરાહ હાલમાં જ ઈજા બાદ ટીમ ઈન્ડિયામાં પરત ફર્યો છે. બુમરાહની પીઠની વારંવારની ઈજાને કારણે ચાલુ વર્ષે માર્ચમાં ન્યુઝીલેન્ડમાં સર્જરી કરવામાં આવી હતી અને ત્યાર બાદ તે ફિટનેસ મેળવવા માટે એનસીએમાં રિહેબ પર હતો. આ પછી તેને સીધો જ આયર્લેન્ડ પ્રવાસ માટેની ટી-20 ટીમનો કેપ્ટન બનાવવામાં આવ્યો. ત્યારબાદ બુમરાહને એશિયા કપ માટેની ટીમમાં સામેલ કરવામાં આવ્યો હતો. 

Yarr Jasprit Bumrah😭 pic.twitter.com/iVLG8P1Vjq

— Pulkit🇮🇳 (@pulkit5Dx) September 3, 2023

બુમરાહને બદલે શમી કે સિરાજની મળી શકે તક 
બુમરાહ નેપાળ સામેની મેચ બાદ ભારતીય ટીમની સાથે જોડાઈ જશે. પરંતુ સોમવારે નેપાળ સામેની મેચમાં બુમરાહના બદલે દિગ્ગજ ફાસ્ટ બોલર મોહમ્મદ શમીને પ્લેઈંગ-11માં સામેલ કરવામાં આવી શકે છે. શમીને પાકિસ્તાન સામે તક મળી નહતી. આવી સ્થિતિમાં નેપાળ સામેની મેચમાં શમી ઉપરાંત મોહમ્મદ સિરાજ અને શાર્દુલ ઠાકુર ભારતીય ફાસ્ટ બોલિંગની જવાબદારી સંભાળી શકે છે. સ્ટાર ઓલરાઉન્ડર હાર્દિક પંડ્યા ચોથા ફાસ્ટ બોલરની ભૂમિકામાં જોવા મળશે.