Asia Cup 2023 / IND VS SL: એશિયા કપની ફાઇનલમાં આજે વરસાદ પડ્યો, તો કઈ ટીમ ગણાશે વિજેતા? કોણ લઈ જશે ટ્રોફી? સમજો આખું સમીકરણ

• આજે એશિયા કપ 2023ની ફાઈનલ મેચ રમવામાં આવશે
• એશિયા કપ ફાઈનલમાં આજે વરસાદની સંભાવના
• વરસાદના કારણે આ મેચ પૂરી ના થાય તો શું થઈ શકે?

એશિયા કપ 2023ની ફાઈનલ મેચ ભારત અને શ્રીલંકા વચ્ચે રમવામાં આવશે. ભારતીય સમય અનુસાર આજે બપોરે ત્રણ વાગ્યે કોલંબોના આર.પ્રેમદાસા સ્ટેડિયમમાં મેચ શરૂ થશે. સુપર-4 સ્ટેજમાં ઘણી વાર જોયું છે કે, વરસાદના કારણે અનેક મેચ પર અસર થઈ છે. એશિયા કપ ફાઈનલમાં પણ આજે વરસાદની સંભાવના છે. હવામાન વિભાગ અનુસાર કોલંબોમાં દિવસે વરસાદ થવાની 90 ટકા સંભાવના છે. સાંજે 6 વાગ્યા પછી ખરાબ વાતાવરણને કારણે મેચ પર અસર થઈ શકે છે. જો વરસાદના કારણે આ મેચ પૂરી ના થાય તો શું થઈ શકે છે? તે અંગે અહીંયા જાણકારી આપવામાં આવી છે. 

IND vs SL ફાઈનલ મેચ માટે રિઝર્વ ડે
એશિયા કપ ફાઈનલમાં IND vs SL ફાઈનલ મેચ માટે રિઝર્વ ડે રાખવામાં આવ્યો છે. ખરાબ વાતાવરણને કારણે મેચ પૂરી ના થાય તો મેચ રિઝર્વ ડે પર રમવામાં આવી શકે છે. સામાન્ય રીતે તમામ ટુર્નામેન્ટની ફાઈનલ માટે રિઝર્વ ડે રાખવામાં આવે છે. 

રિઝર્વ ડેનો નિયમ
જ્યોરે કોઈ ટીમ વચ્ચે 20 ઓવર પણ ના રમવામાં આવી હોય તો રિઝર્વ ડે અમલમાં મુકવામાં આવે છે. વરસાદના કારણે અન્ય ટીમ ટાર્ગેટ પૂરો કરવા માટે 20 ઓવર ના રમી શકે તો મેચ રિઝર્વ ડે પર પૂર્ણ કરવામાં આવે છે. બંને ટીમ વચ્ચે 20 ઓવરની મેચ પૂરી થાય તો DLSના આધાર પર મેચનું પરિણામ નક્કી કરવામાં આવે છે. 

IND vs SL એશિયા કપ 2023 માટે વેધર અપડેટ
કોલંબોમાં દિવસે વરસાદ થવાની 90 ટકા સંભાવના છે. રાત્રે પણ વરસાદ થવાની સંભાવના છે. એશિયા કપ 2023 ફાઈનલમાં IND vs SL મુકાબલામાં સાંજે 6 વાગ્યા પછી ભારે વરસાદની સંભાવના છે.