ખુલાસો / 'લવ સેક્સ ઓર ધોખા'ની અભિનેત્રી આર્યા બેનર્જીનો પોસ્ટમોર્ટમ રિપોર્ટ જાહેર, મોતનું કારણ ચોંકાવનારું

• અભિનેત્રી આર્યા બેનર્જીનું સંદિગ્ધ અવસ્થામાં મોત 
• પોસ્ટ મોર્ટમ રિપોર્ટમાં થયો ખુલાસો 
• હાર્ટ અટેકને કારણે મોત થયું હોવાની આશંકા 

કોલકાતા પોલીસના વરિષ્ઠ અધિકારીએ શનિવારે જણાવ્યું હતું કે સુપ્રસિદ્ધ સિતાર વાદક નિખિલ બંદિયોપાધ્યાયની પુત્રી આર્યા શુક્રવારે રહસ્યમય સંજોગોમાં તેમના નિવાસસ્થાને મૃત હાલતમાં મળી આવી હતી અને પોસ્ટ મોર્ટમ રિપોર્ટમાં તેણે વધુ પ્રમાણમાં દારૂ પીધેલી હોવાનું બહાર આવ્યું છે.

હાર્ટ અટેકને કારણે મોત થયું હોવાની આશંકા 

તેમણે કહ્યું કે ડોક્ટરોએ તેની હત્યાની કોઈ પણ શક્યતાને નકારી કાઢી છે. પોલીસ અધિકારીએ કહ્યું કે શક્ય છે કે અભિનેત્રીને શુક્રવારે સવારે હાર્ટ એટેક આવ્યો હોય અને તે પછી તે મદદ માટે પૂછવા ઉભી થઇ પણ તે નીચે પડી ગઈ. તેમણે કહ્યું કે પોસ્ટ મોર્ટમની તપાસ દરમિયાન એમ પણ કહેવામાં આવ્યું હતું કે તેના શરીરની નજીકથી મળી આવેલું લોહી મુખ્યત્વે તેના પડવાના કારણે જ બહાર આવ્યું હોઇ તેવું બની શકે છે.

અનેક બીમારીઓથી પીડિત હતી અભિનેત્રી 

તેણે કહ્યું કે તેના પેટમાંથી આશરે બે લિટર દારૂ મળી આવ્યો છે. તેણી તેના ચહેરા પર પડી હતી, જેના કારણે તેને ઈજા થઈ હતી અને તેના શરીરમાંથી લોહી નીકળ્યું હતું. પોલીસને તેના ઘરમાંથી દારૂની અનેક બોટલ અને લોહીના ડાઘાવાળા ટિશ્યૂ પેપર્સ મળી આવ્યા હતા. તપાસમાં જણાવાયું છે કે 33 વર્ષીય અભિનેત્રી બીમાર હતી અને હ્રદય સંબંધી સમસ્યાઓ સહિત વિવિધ બિમારીઓથી પીડિત હતી.

સંદિગ્ધ અવસ્થામાં મોત થયું 

બોલિવૂડ ફિલ્મોમાં નજરે પડેલી અભિનેત્રી આર્યા બેનર્જીનું સંદિગ્ધ અવસ્થામાં મોત થઈ ગયુ છે. તેનું શબ કલકત્તાના તેના ફ્લેટમાંથી મળી આવ્યું છે. હાલમાં તો આર્યાના મોતનું કારણ જાણવા મળ્યુ નથી. પોલીસ આ મામલે તપાસ કરી રહી છે. અભિનેત્રીનો મૃતદેહ લોહીથી લથબથ હાલતમાં મળી આવ્યો હતો. તેનું ઘર સાઉથ કલકત્તાના જોધપુર પાર્કમાં આવેલુ છે.

લવ સેક્સ ઓર ધોખામાં પણ કામ કર્યુ

આર્યાએ વિદ્યા બાલનની ફિલ્મ ડર્ટી પિક્ચરમાં એક નાનો એવો પણ મહત્વનો રોલ નિભાવ્યો હતો. તે એક ગીતમાં વિદ્યા સાથે ટક્કર લેતી દેખાય છે. તેણે ડર્ટી પિક્ચરમાં ‘હનીમૂન કી રાત’ ગીત પર ડાંસ કર્યો હતો. આ ફિલ્મમાં આર્યાએ શકીલ નામનું પાત્ર ભજવ્યુ હતું. તો વળી તેને ‘લવ સેક્સ ઓર ધોખા’ માં પણ તેણે કામ કર્યુ હતું. આર્યા બેનરજીનું અસલી નામ દેવદત્તા બેનરજી હતું. તે પ્રસિદ્ધ સિતાર વાદક પંડિત નિખિલ બેનરજીની સૌથી નાની પુત્રી હતી.