કાર્યવાહી / ચંદ્રયાન 3 ને લઈને ખોટેખોટા દાવા કરતો મિતુલ ત્રિવેદી જેલના સળિયા પાછળ, ક્રાઇમ બ્રાન્ચે કરી ધરપકડ, ISROની મદદથી ફૂટ્યો ભાંડો

• કથિત ઈસરો વૈજ્ઞાનિક મિતુલ ત્રિવેદીની ધરપકડ 
• સુરત ક્રાઈમબ્રાંચે કરી મિતુલ ત્રિવેદીની ધરપકડ 
• ડોક્યુમેન્ટ્સ ખોટા નીકળતા ફૂટ્યો ભાંડો 

કથિત ઈસરો વૈજ્ઞાનિક મિતુલ ત્રિવેદીની ધરપકડ કરવામાં આવી છે. સુરત ક્રાઈમબ્રાંચે મિતુલ ત્રિવેદીની ધરપકડ કરી છે. ચંદ્રયાન-3ની ડિઝાઈન પોતે બનાવી હોવાનો મિતુલ ત્રિવેદીએ દાવો કર્યો હતો. મિતુલ ત્રિવેદીના દાવા બાદ સુરતમાં તેની સામે ફરિયાદ નોંધાઈ હતી. ફરિયાદ બાદ સુરત પોલીસે બેંગલુરુ સ્થિત ઈસરોને મિતુલના ડોક્યુમેન્ટ્સ મોકલ્યા હતા.

ACP શરદ સિંઘલનું નિવેદન
મિતુલ ત્રિવેદીના ડોક્યુમેન્ટ્સ ખોટા હોવાની માહિતી મળતા તેનો ભાંડો ફૂટ્યો છે. મિતુલ ત્રિવેદી મુદ્દે ACP શરદ સિંઘલે નિવેદન આપ્યું છે. તેમણે કહ્યું કે મિતુલ ટ્યૂશન ક્લાસ ચલાવે છે. અને ઈસરોએ મિતુલના ડોક્યુમેન્ટ્સ ખોટા હોવાની પણ પુષ્ટિ કરી છે. આ મામલે મિતુલ વિરુદ્ધ ગુનો નોંધવામાં આવ્યો છે.

મિતુલ ત્રિવેદી ટ્યુશન ક્લાસ ચલાવતો હતો
પોલીસની પૂછપરછમાં સામે આવ્યું હતું કે, મિતુલ ત્રિવેદી એક ટ્યુશન ક્લાસ ચલાવે છે. પોતાના ટ્યુશન ક્લાસમાં વિદ્યાર્થીઓની સંખ્યા વધે એટલા માટે તે પોતાને વૈજ્ઞાનિક ગણાવતો હતો. સુરત પોલીસ દ્વારા પોતાને વૈજ્ઞાનિક ગણાવતા મિતુલ ત્રિવેદીનો ભાંડો ફોડ્યો છે. મિતુલ ત્રિવેદી દ્વારા જે લેટર તૈયાર કરવામાં આવ્યા હતા. જો કે, તેણે કઈ જગ્યા પર આ લેટર બનાવ્યો છે. જે સમગ્ર મામલે પોલીસે તપાસ હાથ ધરી છે.