બંગાળ ભાજપને બટ્ટો / કોકેન કેસમાં ઝડપાયેલી ભાજપ નેતા પામેલા ગોસ્વામીનો લૂલો બચાવ, મને ફસાવાઈ રહી છે

પામેલા ગોસ્વામીની કોકેન સાથે ધરપકડ થઈ હતી
પામેલાએ ભાજપ નેતા રાકેશસિંહની પણ ધરપકડની માગ કરી
પામેલા નશાના કારોબાર સાથે સંકળાયેલી હોવાની પોલીસને પાકી શંકા

ગોસ્વામીએ કહ્યું કે આ કેસની સીડીઆઈડી તપાસ કરવાની મારી માગ છે.

ભાજપ નેતા રાકેશસિંહની પણ ધરપકડ કરો-પામેલા ગોસ્વામી

પામેલાએ કોર્ટમાં કહ્યું કે પોલીસે ભાજપ મહાસચિવ કૈલાશ વિજયવર્ગીયના સાથી રાકેશ સિંહની પણ ધરપકડ કરવી જોઈએ. જોકે રાકેશસિંહે પામેલાના આ દાવાને નકારી કાઢ્યો છે. તેમણે કહ્યું કે ભાજપ નેતાઓને ફસાવી દેવાનું આ ટીએમસીનું કાવતરુ છે. હું છેલ્લા 2 વર્ષથી પામેલા સાથે સંપર્કમાંનથી. પામેલા ભાજપ નેતાઓના ખોટા નામ લઈ શકવાની શક્યતા છે. પોલીસે આ કેસની ગંભીરતાથી તપાસ કરવી જોઈએ. તેમણે કહ્યું કે પામેલા ગમે તેનું પણ નામ લઈ શકે છે અરે તેના પિતાનું નામ લેતા પણ અચકાય તેવી નથી.

ઉલ્લેખીય છે કે શુક્રવારે કોકેન લઈને જઈ રહી હોવાની બાતમી મળતા કોલકાતા પોલીસે ન્યૂ અલીપુર વિસ્તારમાં પામેલા ગોસ્વામીની કારની ઝડતી લીધી હતી અને બેગમાંથી 100 ગ્રામ કોકેન મળી આવતા તેની ધરપકડ કરી હતી.

પામેલા પાસેથી ઝપાયેલા કોકેનની કિંમત 15 થી 20 લાખ હોવાનુ જણાવાય છે. 

કોણ છે પામેલા ગોસ્વામી
પામેલા ગોસ્વામી ભાજપના યુવા મોરચના સભ્ય છે.તે હુગલી જિલ્લાની મહાસચિવ છે. તે સોશિયલ મીડિયા પર સતત ભાજપની રેલીઓની તસવીર અપલોડ કરતી રહે છે અને તે ભાજપના નેતાઓ સાથે પણ પ્રચાર કરતી હોય છે.

 ભાજપ નેતા મુકુલ રોય અને ભાજપ યુવા મોરચાના રાષ્ટ્રીય અધ્યક્ષ તેજસ્વી સૂર્યા સાથે પામેલાની તસવીર જોવા મળી હતી. તે તેના પ્રચાર અભિયાનની તસીવરો લગાતાર અપડેટ કરતી રહે છે. 

પોલીસને પહેલેથી પામેલા પર ડ્રગ્સની હેરાફેરીનો શક હતો. પામેલા નશાના કારોબાર સાથે સંકળાયેલી હોવાનો પોલીસને પહેલેથી ડર હતો તેથી પોલીસ તેના પર વોચ રાખી રહી હતી.