આખરે મળ્યો ઉપાય / મેળવી લો હવે ! લાંબી અને સુખી જિંદગી આપનારી નંબર 1 ચીજ મળી ગઈ, પૈસા કે એક્સરસાઈઝ તો નથી જ

• હાવર્ડના વૈજ્ઞાનિકોએ શોધી કાઢી લાંબુ જીવાડનારી ચીજ
• પોઝિટિવ રિલેશન્સ છે સુખી અને લાંબી આવરદાની ચાવી
• 724 લોકોના હેલ્થ રેકોર્ડ્સ પરથી વૈજ્ઞાનિકોને મળ્યો સંકેત 

લાંબુ જીવવાના કોને અભરખા નથી હોતા? બધાને હોય છે, સુખી-શાંતિ ન હોવાને કારણએ જીવન એક બોજા જેવું બની જાય છે. સામાન્ય રીતે એવું મનાય છે કે પૈસા, સારી નોકરી અને સારુ શરીર હોય તો લાંબુ જીવાય છે પરંતુ આનાથી આગળ એક એવી ચીજ છે જે લાંબી અને ખુશખુશાલ જિંદગી આપનારી બની રહે છે. 
85 વર્ષ સુધી ચાલેલા એક રિસર્ચમાં લાંબુ જીવવાની ચાવી હાથ લાગી છે. હાર્વર્ડના સંશોધનકારોએ શોધી કાઢ્યું એક ચીજ એવી છે જે આપણને માત્ર ખુશ જ નથી રાખતી પરંતુ આપણને લાંબુ જીવાડવામાં પણ મદદ કરે છે. 

આ એક ચીજ જીવાડી જશે લાંબું 
હાર્વર્ડના સંશોધકોએ 1938માં એક રિસર્ચ શરું કર્યું હતું. સંશોધકોએ દુનિયાના અલગ અલગ દેશોના 724 લોકોના હેલ્થ રેકોર્ડ્સ મંગાવ્યાં હતા અને તેમને બે વર્ષના સમયગાળામાં જીવન સંબંધિત સવાલો પૂછીને માહિતી ભેગી કરી હતી. 85 વર્ષ સુધી ચાલેલા આ રિસર્ચમાં સામે આવ્યું છે કે, કરિયરની ઉપલબ્ધિ, પૈસા, હેલ્ધી ડાયટ નહીં, પરંતુ પોઝિટિવ રિલેશન્સ વ્યક્તિને ખુશી, સારું સ્વાસ્થ્ય અને લાંબુ આયુષ્ય આપે છે. જો તમે સારું અને સુખી જીવન જીવવા માંગો છો, તો તમારા માટે સામાજિક તંદુરસ્તી મહત્વપૂર્ણ છે.

પોઝિટિવ રિલેશન્સ કેમ આપે છે ખુશી, સારું સ્વાસ્થ્ય અને લાંબુ આયુષ્ય
સંશોધકોનું કહેવું છે કે પોઝિટીવ રિલેશન્સ હોવા લોકોમાં ખુશીનો સંચાર થાય છે જેનાથી તે ખૂબ પ્રસન્ન રહે છે અને આવી સ્થિતિમાં શરીરમાં કોઈ બીમારી નથી આવતી. જે 724 લોકોના સ્ટડી પરથી સુખી અને દીર્ઘ જીવનનું તારણ કાઢવામાં આવ્યું છે તે બધા પોઝિટીવ રિલેશન્સવાળા હતા.