રાજનીતિ / કર્ણાટકમાં લડાઈ ભાજપ અને ટુકડે ટુકડે ગેંગવાળી કોંગ્રેસની વચ્ચે- બેંગ્લુરુમાં બોલ્યાં અમિત શાહ

• કર્ણાટક ચૂંટણીને લઇને બીજેપી પૂરજોશમાં
• અમિત શાહે વિપક્ષ પર સાધ્યાં તીખાં નિશાના
• કોંગ્રેસ માટે સત્તા ભ્રષ્ટાચાર કરવાનું સાધન - શાહ

કર્ણાટક વિધાનસભા ચૂંટણીને લઇને બીજેપીની તૈયારી પૂરજોશમાં ચાલી રહી છે. તો કેન્દ્રીય ગૃહમંત્રી અમિત શાહે બેંગલૂરુમાં પાર્ટીનાં બૂથ પ્રેસિડેન્ટ અને બૂથ લેવલ એજન્ટને સંબોધિત કર્યાં. તે દરમિયાન તેમણે પૂર્વ સીએમ એચ.ડી.કુમારસ્વામીને PFIનું સમર્થન કરનારા કહ્યું અને સાથે જ કોંગ્રેસ પર પણ નિશાના સાધ્યાં.

7માંથી 6 રાજ્યોમાં કોંગ્રેસનાં સૂપડાં સાફ 
અમિત શાહે કહ્યું "ચૂંટણી દરમિયાન કોંગ્રેસ નવી-નવી ચીજો લઇને આવે છે કારણકે કોંગ્રેસ માટે સત્તા એ ભ્રષ્ટાચાર કરવાનું એક સાધન છે જ્યારે અમારા માટે સત્તા એ સમાજનાં દરેક વ્યક્તિને સુખ આપવાનું સાધન છે. વર્ષ 2022માં સાત રાજ્યોમાં ચૂંટણી થઇ, સાતમાંથી 5 રાજ્યોમાં  BJPએ પૂર્ણ બહુમત પ્રાપ્ત કરેલ છે. તો 7માંથી 6 રાજ્યોમાં કોંગ્રેસનાં સૂપડાં સાફ થઇ ગયાં છે."

For Congress, gaining power is a way of doing corruption but for us, it is to make people's lives better. In the recent elections in 7 states, BJP won in 5 states and Congress was wiped out from 6 states: Union Home minister Amit Shah at Bengaluru pic.twitter.com/JVKCyKuBQ0

— ANI (@ANI) December 31, 2022

કર્ણાટક ચૂંટણી કોના વચ્ચે છે?
ગૃહમંત્રી અમિત શાહે કહ્યું કે કર્ણાટક વિધાનસભા ચૂંટણીમાં લડત બીજેપી અને ટુકડા-ટુકડા ગેન્ગવાળી કોંગ્રેસની વચ્ચે છે. સાથે જ તેમણે કહ્યું કે અહીંયા અમે કોઇ ગઠબંધન કરવા નથી જઇ રહ્યાં. બીજેપી એકલી ચૂંટણી લડશે. JDS માત્ર અમારી સાથે મળીને ચૂંટણી લડવાની અફવાઓ ફેલાવી રહી છે.

કોંગ્રેસે અમિત શાહને 'રાજનૈતિક સોદાગર' કહ્યું
કર્ણાટકનાં પૂર્વ મુખ્યમંત્રી સિદ્ધરમૈયાએ કોંગ્રેસને ભ્રષ્ટ કહેતાં કેન્દ્રીય ગૃહમંત્રી અમિત શાહની આલોચના કરતાં તેમને પ્રદેશ બીજેપીમાં કલંકિત લોકોને સમાવિષ્ટ કરનારો એક ' રાજનૈતિક સોદાગર' કહ્યું. ભ્રષ્ટાચારનાં વિશે વાત કર્યા છતાં ભરતી, ટ્રાન્સફર, પ્રમોશન, ગ્રાન્ટની ફાળવણી, કામોનું અમલીકરણ અને બિલોની ચુકવણીમાં 40 ટકા કમિશનના આરોપોનો સામનો કરનારી બીજેપીની પ્રદેશ નેતાઓને પાર્ટીમાં રાખવા બાબતે સિદ્ધરમૈયાએ અમિત શાહ પર વળતાં પ્રહારો કર્યાં હતાં.