કાર્યવાહી / મોં છુપાવી અમીષા પટેલે કર્યું રાંચી કોર્ટમાં સરેન્ડર, બાદમાં આપી રાહત, જાણો શું હતો સમગ્ર મામલો

• સાત વર્ષ જૂના કેસમાં અમિષા પટેલ રાંચી કોર્ટમાં પહોંચી
• કોર્ટે 21 જૂન સુધી શરતી જામીન આપ્યા
• રાંચી કોર્ટમાં સરેન્ડર કર્યું હતુ.

સાત વર્ષના જુના કેસમાં અભિનેત્રી અમીષા પટેલની મુશ્કેલીમાં વધારો થયો છે. અમીષા પટેલ તથા તેના બિઝનેસ પાર્ટનર કુણાલ ગુમર સામે છેતરપીંડીની ચકચારી ફરિયાદ નોંધાઇ છે. આ દરમિયાન રાંચી સિવિલ કોર્ટ દ્વારા અગાઉની સુનાવણીમાં અમીષા પટેલ હાજર ન થતા વોરંટ જારી કરવામાં આવ્યું હતુ. જેને પગલે આજે શનિવારે અમીષા પટેલ રાંચી પહોંચી હતી. જેને રાંચી કોર્ટમાં સરેન્ડર કર્યું હતું.

મ્યુઝિક મેકિંગના નામે છેતરપીંડીની રાવ

અજય કુમાર સિંહ (રહે.અરગોરા) 17 નવેમ્બર 2018ના રોજ કોર્ટમાં કેસ કરી આરોપ લગાવ્યા કે મ્યુઝિક મેકિંગના નામે અમીષા પટેલે પોતાની પાસેથી 2.5 કરોડ રૂપિયા ખંખેરી લીધા હતા. બાદમા મ્યુઝિક મેકિંગ કર્યા વગર રૂપિયા ચાઉ કરી લીધા હતા. તથા ફિલ્મ 'દેસ મેજિક' બનાવવાના નામે  2.5 કરોડ રૂપિયા પડાવવાનો આરોપ છે. બાદમાં ફિલ્મ જૂન 2018 માં રિલીઝ ન થતા અજયે પૈસાની માંગણી કરી હતી. પરંતું અમીષાએ 2018માં અજય સિંહને 2.5 કરોડ અને 50 લાખ રૂપિયાના બે ચેક આપ્યા હતા જે બાઉન્સ થતા ફરિયાદ કરાઈ હતી.

21 જૂન સુધી શરતી જામીન આપ્યા

આમ અમીષા પટેલ તથા તેના બિઝનેસ પાર્ટનર કુણાલ ગુમર પર પૈસા લઈને મ્યુઝિક આલ્બમ ન બનાવવાના ધગધગતા આરોપ તથા છેતરપિંડી અને ધમકાવવાના પણ આક્ષેપ લાગતા આ મુદ્દે રાંચી સિવિલ કોર્ટે અભિનેત્રીને કોર્ટમાં હાજર થવા ફરમાન જારી કર્યું હતું. પરંતુ આ ફરમાનની અવગણના કરી તે કોર્ટમાં હાજર થઇ ન હતી. બાદમાં કોર્ટે તેની સામે વોરંટ જારી કરતા અમીષા શનિવારે હાજર થયા હતા. આ દરમિયાન કોર્ટની કાર્યવાહીમાં કોર્ટે અભિનેત્રીના 21 જૂન સુધી શરતી જામીન આપ્યા છે. જેને પગલે કેસની આગવી સુનાવણી 21 જૂનના હાથ ધરવામા આવશે. જેમાં કોર્ટે અમીષા પટેલને પણ હાજર રહેવા જણાવાયું છે.