હોસ્પિટલ બીમાર / ભીલડી હોસ્પિટલમાં પાણી ભરાતા એમ્બ્યુલન્સ અટવાઈ, સુરત સિવિલના ટ્રોમા સેન્ટરમાં ઘુસ્યું પાણી

• વરસાદી પાણી હોસ્પિટલમાં ઘુસ્યા
• ભીલડીની હોસ્પિટલ બહાર પાણી ભરાયા
• પાણીને કારણે એમ્બ્યુલન્સ અટવાઈ

ડીસાના ભીલડીની સરકારી હોસ્પિટલના પટાંગણમાં વરસાદી પાણી ભરાઈ જતા હોવાથી દર્દીઓ અને મુલાકાતીઓ ભારે મુશ્કેલી ભોગવી રહ્યા છે. ભીલડીની હોસ્પિટલ બહાર પાણી ભરાયા હોવાથી પાણીને કારણે એમ્બ્યુલન્સ અટવાઈ હતી. તો બીજી બાજુ સુરતનુ સિવિલ હોસ્પિટલ પરિસર પણ તળાવમાં પરિવર્તિત થયું હતું. આમ દર્દીઓની સેવા કરતી હોસ્પિટલ જ બીમાર હોવાથી લોકોમાં હોસ્પિટલ તંત્ર સામે સવાલો ઊભા થયા છે.  

ભીલડીની હોસ્પિટલ બહાર પાણી ભરાયા
વરસાદમાં લોકોએ ડીસાના ભીલડીની સરકારી હોસ્પિટલમાં જવુ હોય તો સાથે બોટ પણ લઈ જવી પડે તેવી સ્થિતિ સર્જાઇ છે. કારણ કે હોસ્પિટલ આગળ પાણી ભરાઈ જવાને કારણે એમ્બ્યુલન્સ પણ પહોંચી શકતી નથી. જેથી દર્દીઓને ભારે હાંલાકીનો સામનો કરવો પડી રહ્યો છે. એટલું જ નહી CHC સેન્ટર આગળ પાણી ભરાઈ જવાને કારણે દર્દીઓને હોસ્પિટલમાંથી સ્ટેચરમાં રોડ પર લાવવાની ફરજ પડી હતી. તો બીજી તરફ સુરતનુ સિવિલ પરિસર પણ તળાવમાં પરિવર્તીત થઈ ગયુ છે. વરસાદનુ પાણી હોસ્પિટલમાં ભરાઈ જતાં દર્દીઓ મુશ્કેલીમાં મુકાયા હતા. જેમાં ટ્રોમા સેન્ટર સહિતની જગ્યાએ પાણી ભરાયુ હતુ. હોસ્પિટલમાં પાણી ભરાઈ જતાં શાસન-પ્રશાસનના લોકોને શરમમાં મુકાવા જેવી સ્થિતિનુ નિર્માણ થયુ છે.