વેલકમ 2023 / યાત્રાળુઓથી ઉભરાયુ શક્તિપીઠ અંબાજી, ભક્તોએ મા અંબાના ચરણોમાં શીશ નમાવી કરી નવા વર્ષની શરૂઆત

Kishor

Last Updated: 04:27 PM, 1 January 2023

FOLLOW ON

શેર કરો

યાત્રાધામ અંબાજીમાં વર્ષ 2023ના પ્રારંભને પગલે ભક્તો ઉમટી પડ્યા હતા. જેમણે મા ના દરબારમા શિશ ઝુકાવી રૂડા આશીર્વાદ મેળવ્યા હતા.

આજે નવા વર્ષનો પ્રથમ દિવસ
યાત્રાધામ અંબાજીમાં ભક્તોની ભારે ભીડ
વહેલી સવારથી જ મંદિરમાં શ્રદ્ધાળુઓ ઉમટ્યા

નવા વર્ષના પ્રથમ દિવસે યાત્રાધામોના ભક્તોની ભારે ભીડ જામતી હોય છે ત્યારે આજે યાત્રાધામ અંબાજીમાં પણ શ્રધ્ધાળું ઉમટી પડ્યા હતા. ભક્તોએ જગતજનની માં અંબાના દર્શન કરી નવા વર્ષની શરૂઆત કરી હતી. નવા વર્ષના પ્રારંભ અને રજાઓના દિવસોને લઈને અંબાજી ખાતે વહેલી સવારેથી જ ભક્તોની ભારે ભીડ જોવા મળી રહી હતી. શ્રદ્ધાળુઓએ માં અંબાના ચરણોમાં શીશ ઝૂકાવી નવું વર્ષ હર્ષ ઉલ્લાસથી પસાર થાય તેવી પ્રાથના કરી હતી. મા ના દર્શન કરી ધન્યતા અનુભવી હતી.

શક્તિપીઠ અંબાજીમાં ભક્તો ઉમટયા સંખ્યામાં

યાત્રાધામ અંબાજી માં જગતજનની અંબા નુ શક્તિપીઠ તરીકે દેશ વિદેશમાં વિખ્યાત છે. માં અંબાનુ મંદિર ગોલ્ડન ટેમ્પલ તરીકે પણ પ્રખ્યાત છે. જેમાં દેશ વિદેશથી માં અંબાના ભક્તો દર્શનને આવતા હોય છે. શક્તિપીઠ અંબાજીમાં દરરોજ હજારોની સંખ્યામાં માય ભક્તો માતાજીનો આશીર્વાદ મેળવવા પહોંચતા હોય છે. તેવામાં આજે નવવર્ષના આરંભે મોટી સંખ્યામાં યાત્રાળુઓ અંબાજી આવી પહોચ્યા હતા.

ભીડને લઈ વટીવટી તંત્ર પણ સતર્ક બન્યું

માઇભક્તોએ માં અંબાની કૃપાથી નવુવર્ષ સુખ શાંતિ અને આરોગ્યમય રીતે વિતે તેવી પ્રાર્થના કરી વર્ષ 2023 ના પ્રથમ દિવસને ઉજવ્યો હતો.બીજી તરફ યાત્રાળુઓના પ્રવાહને લઇને વટીવટી તંત્ર પણ સતર્ક બન્યું હતું. જેમાં કોઈ કોઇ અનિચ્છનીય બનાવ ન બને તે માટે સુરક્ષા વ્યવસ્થા મજબૂત બનાવાઈ હતી.

સંકળાયેલા મુદ્દાઓ

Ambaji ભક્તો ઉમટયા મા અંબા યાત્રાળુ Ambaji