બમ બમ ભોલે / 28 જૂનથી શરૂ થશે અમરનાથની યાત્રા, બાબા બર્ફાનીની પહેલી તસવીર આવી સામે

Kavan

Last Updated: 10:28 PM, 18 April 2021

FOLLOW ON

શેર કરો

બાબા બર્ફાની એટલે કે અમરનાથના દર્શન માટે યાત્રા 28 જૂનથી શરૂ થવા જઈ રહી છે. દરમિયાન શિવલિંગની પહેલી તસવીર સામે આવી છે.

28 જૂનથી શરૂ થશે અમરનાથની યાત્રા
બાબા બર્ફાનીની પહેલી તસવીર આવી સામે
શિવલિંગની પહેલી તસવીર સામે આવી

ઉલ્લેખનીય છે કે, આ વર્ષે શિવલિંગનું કદ ઘણુ મોટું છે. બાબા બર્ફાનીની પહેલી તસવીર જે સામે આવી છે તેમા શિવલિંગનું સંપૂર્ણ સ્વરૂપ દેખાય છે.

28 જૂનથી શરૂ થશે યાત્રા

આ શિવલિંગ શ્રદ્ધાળુઓ માટે આસ્થાનું કેન્દ્ર બને છે.જેમના દર્શન માટે શ્રદ્ધાળુઓ અમરનાથ યાત્રા પર જાય છે. 56 દિવસ સુધી ચાલનારી આ યાત્રા પહલગામ અને બાલટાલના માર્ગે 28 જૂનથી શરૂ થશે. આ યાત્રા 22 ઓગસ્ટના રોજ પૂરી થશે.

કોરોના સંકટ વચ્ચે 5000 લોકોએ કરાવ્યું ઓનલાઇન રજીસ્ટ્રેશન

દેશભરમાં વધતા કોરોના કેસ હોવા છતાં અમરનાથ યાત્રાના ભક્તોમાં ભારે ઉત્સાહ છે. અમરનાથ યાત્રા 2021 માટે છેલ્લા બે દિવસમાં 5000 મુસાફરોએ આગોતરા ઓનલાઈન નોંધણી કરાવી છે. આ ઉપરાંત દેશભરની વિવિધ બેંક શાખાઓમાં 21000 મુસાફરો નોંધાયા છે. અત્યાર સુધી, તેમની સંખ્યા 26000 રહી છે.

દેશમાં આજે 2.60 લાખ કેસ નોંધાયા છે

દેશમાં કોરોનાના સંક્રમણનો કહેર સતત વધી રહ્યો છે. છેલ્લા 3 દિવસથી રોજ 2 લાખથી વધુ નવા કેસ આવવાની સાથે આજે આ આંક 2.60 લાખ સુધી પહોંચી ચૂક્યો છે. છેલ્લા 24 કલાકની વાત કરીએ તો લગભગ 1500થી વધારે લોકોના મોત થયા છે. દેશમાં 2.60 લાખ નવા કેસના આવતાં જ ગઈકાલના કેસની સરખામણીએ 11. 5 ટાકનો વધારો જોવા મળ્યો છે.

સંકળાયેલા મુદ્દાઓ

amarnath yatra 2021 અમરનાથ યાત્રા બાબા બર્ફાની Amarnath Yatra