- ગુજરાત ટાઇટન્સમાં સામેલ કરવામાં આવ્યો આ ખેલાડી
- હાર્દિક પંડ્યા જેવો છે ઓલરાઉન્ડર
- કેન વિલિયમસન ઘૂંટણની ઈજાને કારણે આખી સિઝનમાંથી બહાર
ઇન્ડિયન પ્રીમિયર લીગ (IPL) 2023 સીઝનમાં હાર્દિક પંડ્યાની આગેવાની હેઠળની ગુજરાત ટાઇટન્સને તાજેતરમાં મોટો આંચકો લાગ્યો હતો. નોંધનીય છે કે ન્યૂઝીલેન્ડનો કેપ્ટન કેન વિલિયમસન ઘૂંટણની ઈજાને કારણે આખી સિઝનમાંથી બહાર થઈ ગયો હતો એવામાં હવે એક તોફાની ખેલાડી રિપ્લેસમેન્ટ તરીકે ટીમમાં સામેલ કરવામાં આવ્યો છે.
હાર્દિક પંડ્યા જેવો ઓલરાઉન્ડર છે આ ખેલાડી
હાર્દિક પંડ્યાની ટીમમાં જે ખેલાડીને સામેલ કરવામાં આવ્યો છે એ છે દાસુન શનાકા. જણાવી દઈએ કે દાસુક શ્રીલંકન ટીમનો મર્યાદિત ઓવરોના ફોર્મેટનો કેપ્ટન છે અને સાથે જ ગુજરાત ટીમના કેપ્ટન હાર્દિક પંડ્યા જેવો ઓલરાઉન્ડર છે. એટલે કે દાસુન શનાકા ઝડપી બોલિંગથી વિકેટ લેવાની અને બેટિંગ સાથે તોફાની રન બનાવવાની ક્ષમતા ધરાવે છે.
ગુજરાત ટાઇટન્સ વધુ મજબૂત બનશે
શ્રીલંકાની શનાકામાં પણ પંડ્યાની જેમ મેચને પલટાવવાની ક્ષમતા ધરાવે છે. એવામાં હાલ ફેન્સને લાગી રહ્યું છે કે તેના ટીમમાં આવવાથી ગુજરાત ટાઇટન્સ વધુ મજબૂત બનશે. જણાવી દઈએ કે શનાકાએ તેની છેલ્લી 5 મેચમાં 8 વિકેટ લીધી હતી અને આ 5 મેચની 4 ઇનિંગ્સમાં 115 રન પણ બનાવ્યા હતા.
શાનદાર ફોર્મમાં ચાલી રહ્યો છે શનાકા
મહત્વનું છે કે શનાકાએ અત્યાર સુધી 6 ટેસ્ટ મેચમાં 140 રન બનાવ્યા છે અને 13 વિકેટ લીધી છે, 50 વનડેમાં 26.14ની એવરેજથી 1098 રન બનાવ્યા છે અને 17 વિકેટ લીધી છે. શનાકાએ અત્યાર સુધી 86 T20 આંતરરાષ્ટ્રીય મેચ રમીમાં 1329 રન બનાવ્યા છે અને 25 વિકેટ લીધી છે.
50 લાખ રૂપિયામાં ખરીદ્યો
જણાવી દઈએ કે આઈપીએલની શરૂઆત શુક્રવારે થઈ હતી અને આસિઝનની પહેલી મેચમાં ગુજરાત ટાઇટન્સે ચેન્નાઈ સુપર કિંગ્સને 5 વિકેટે હરાવ્યું હતું. કેન વિલિયમસન આ મેચમાં ઈજાગ્રસ્ત થયો હતો અને એ બાદ આખી ટૂર્નામેન્ટમાંથી બહાર થઈ ગયો હતો. નોંધનીય છે કે ગુજરાત ફ્રેન્ચાઈઝીએ 2023ની મિની ઓક્શનમાં વિલિયમસનને 2 કરોડ રૂપિયાની બોલી લગાવીને ખરીદ્યો હતો. આ બધા વચ્ચે ગુજરાત ફ્રેન્ચાઈઝીએ દાસુન શનાકાને તેની બેઝ પ્રાઈસ 50 લાખ રૂપિયા સાથે રિપ્લેસમેન્ટ તરીકે ટીમમાં સામેલ કર્યો છે.
