કોરોના / મે મહિનાના દરેક શનિ-રવિ અહીં રહેશે લૉકડાઉન, આ રાજ્યની સરકારનો મોટો નિર્ણય

• તેલંગાણા બાદ છત્તીસગઢ રાજ્યની સરકારનો મોટો નિર્ણય
• મે મહિનાના દર શનિ-રવિ રહેશે લૉકડાઉન 

સરકાર આ નિર્ણય અંગે જણાવતા કહ્યું કે, ચાલુ વર્ષના મે મહિનામાં દર શનિ-રવિ છત્તીસગઢમાં લૉકડાઉન રહેશે. નોંધનીય છે કે, ગૃહરાજ્ય મંત્રી તામ્રધ્વજ સાહની સલાહને પગલે મુખ્યમંત્રી ભૂપેશ બધેલે આ નિર્ણય લીધો હતો. 

મહિનાના દર શનિ-રવિ લૉકડાઉન રહેશે 

લૉકડાઉન દરમિયાન શાકભાજી, દૂધ, દવાખાના અને આવશ્યક જરૂરી ચીજ વસ્તુઓ મળી શકશે. આ સાથે જ સરકાર દ્વારા એમપણ જણાવવામાં આવ્યું કે, 17 મે બાદ દેશમાં લૉકડાઉન ખોલવાનો નિર્ણય કેન્દ્ર સરકાર લે છે તો છત્તીસગઢમાં આ મહિનાના દર શનિવાર અને રવિવારના રોજ લૉકડાઉન રહેશે. 

मुख्यमंत्री श्री बघेल ने गृह मंत्री के सुझाव को दी सहमति

🔒 छत्तीसगढ़ में अब मई महीने में सभी शनिवार और रविवार को रहेगा लाॅकडाउन

🔓 सब्जी, दूध, चिकित्सा सहित अत्यावश्यक सेवाएं रहेंगी चालू

▶️ कोविड-19 से बचाव हेतु राज्य सरकार का अहम निर्णय

— Jansampark CG (@DPRChhattisgarh) May 6, 2020

રાજ્યના ગૃહમંત્રીની સલાહથી લેવાયો નિર્ણય

છત્તીગઢ સરકારના જનસંપર્ક વિભાગે એક જાહેરાત જાહેર કરીને જણાવ્યું હતું કે મુખ્યમંત્રી ભુપેશ બધેલે રાજ્યના ગૃહ પ્રધાન તામ્રધ્વજ સાહુના કોરોના વાયરસથી બચાવવા માટેના સૂચન પર સહમતિ દર્શાવી છે, જેમાં તેમણે રાજ્યમાં મે મહિનાના તમામ શનિવાર અને રવિવારે રાજ્યને લોકડાઉન કરવાનું સૂચન કરવામાં આવ્યું છે. ચાલુ મે મહિનાના તમામ શનિવાર અને રવિવારે સમગ્ર રાજ્યમાં લોકડાઉન થશે. 

તેલંગાણાંમાં 29 મે સુધી લંબાવાયું લૉકડાઉન 

દેશમાં વધી રહેલા કોરોના વાયરસ વચ્ચે તેલંગાણા સરકારે એક મોટો નિર્ણય લીધો હતો, તેલંગાણાના મુખ્યમંત્રી ચંદ્રશેખર રાવ KCRએ જણાવ્યું હતું કે, રાજ્યમાં લૉકડાઉનનો સમયગાળો વધારીને 29 મે સુધી કરવામાં આવ્યો છે. 7 કલાક ચાલેલી કેબિનેટ બેઠક બાદ મુખ્યમંત્રી ચંદ્રશેખર રાવે જણાવ્યું હતું કે, લોકો ઇચ્છી રહ્યા છે કે, લૉકડાઉન લંબાવવામાં આવે, આ અંગે પ્રધાનમંત્રીન મોદીને પણ જાણ કરવામાં આવી છે. કેસીઆરે જણાવ્યું કે, કેન્દ્ર સરકાર દ્વારા રેડ ઝોનમાં પણ દુકાનો ખોલવાનો આદેશ આપવામાં આવ્યો છે પરંતુ હૈદરાબાદ, મેડચલ, સૂર્યપેટસ વિકારાબાદમાં કોઇપણ દુકાનો ખોલવામાં આવી નથી.