અમદાવાદ પ્લેન ક્રેશ / હાયકારો! પ્લેન ક્રેશનું રહસ્ય 'રહસ્ય' બની રહેશે! બ્લેક બોક્સને લઈને ચિંતાજનક ખબર, કલ્પના બહારનું બન્યું

12 જૂનના રોજ અમદાવાદમાં ક્રેશ થયેલા એર ઇન્ડિયાના બોઇંગ 787-8 ડ્રીમલાઇનર વિમાનના 'બ્લેક બોક્સ'ને લઈને એક ચિંતાજનક સમાચાર જાહેર થયાં છે. હકીકતમાં એવું જણાયું છે કે પ્લેન ક્રેશમાં બ્લેક બોક્સને ઘણું નુકશાન થયું છે અને તેને રિપેરિંગ માટે અને તેમાંથી ડેટા લેવા માટે તેને અમેરિકા મોકલાઈ રહ્યું છે. સૂત્રોએ જણાવ્યું કે આ સંબંધિત સરકાર અંતિમ નિર્ણય લેશે.

બે ભાગમાં હોય છે બ્લેક બોક્સ

'બ્લેક બોક્સ' વાસ્તવમાં બે ઉપકરણો છે - કોકપિટ વોઇસ રેકોર્ડર, અથવા CVR, અને ફ્લાઇટ ડેટા રેકોર્ડર, અથવા FDR. ક્રેશ થયેલી એર ઇન્ડિયા ફ્લાઇટમાંથી મળેલ 'બ્લેક બોક્સ' વોશિંગ્ટન ડીસીમાં નેશનલ ટ્રાન્સપોર્ટેશન સેફ્ટી બોર્ડને નિરીક્ષણ માટે મોકલી શકાય છે. સૂત્રોના જણાવ્યા અનુસાર, જો 'બ્લેક બોક્સ' યુએસ મોકલવામાં આવે છે, તો ભારતીય અધિકારીઓની એક ટુકડી બ્લેક બોક્સ સાથે રહેશે જેથી ખાતરી કરી શકાય કે બધા પ્રોટોકોલનું પાલન થયું છે.

દુર્ઘટનાના 28 કલાક બાદ મળ્યું બ્લેક બોક્સ

અમદાવાદમાં 12 જુને પ્લેન ક્રેશ થયું તેના 28 કલાક બાદ એર ઇન્ડિયાની ફ્લાઇટમાંથી 'બ્લેક બોક્સ' મળી આવ્યું હતું.

શું હોય છે બ્લેક બોક્સ

બ્લેક બોક્સ એક એવું ડિવાઇસ છે કે દરેક એર ક્રાફ્ટમાં હોય છે અને તેની અંદર ફ્લાઇટની ઉડાન દરમિયાનની દરેક મહત્ત્વપૂર્ણ ગતિવિધિઓ અને દરેક વાતચીતને રેકોર્ડ કરે છે. આ બ્લેક બોક્સ કોકપિટમાં પાયલોટ વચ્ચે થયેલી વાતને પણ રેકોર્ડ કરે છે. જો કે એ વાત અગત્યની છે કે આ બ્લેક બોક્સ નામ ધરાવતું ડિવાઇસ ખરેખર નારંગી રંગનું હોય છે. બ્લેક બોક્સનો રંગ orange હોય છે. એનું કારણ એ છે કે આવી કોઈ દુર્ઘટના થાય ત્યારે તેણે સરળતાથી શોધી શકાય માટે તેનો કલર બ્રાઇટ ઓરેન્જ એટલે કે નારંગી રાખવામાં આવે છે.

વધુ વાંચો : હે કુદરત ! 3 માસૂમ સાથે ઉદયપુરનું કપલ પ્લેન ક્રેશમાંથી બચી જાત, પણ 1 દિવસ પહેલાં બન્યું હેરાનીભર્યું

કેવી રીતે કામ લાગે છે બ્લેક બોક્સ

બ્લેક બોક્સમાં રહેલો ડેટા અને ઓડિયો એ સમજવામાં મદદ કરે છે કે આ દુર્ઘટના બની તેની પહેલા વિમાનમાં શું થયું હતું. પાયલોટે શું નિર્ણય લીધો હતો? શું તેમાં કોઈ ટેકનિકલ ખામી હતો ? કે પછી કોઈ હ્યુમન એરરના લીધે આ ભૂલ થઈ છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ