અણસમજ / અમદાવાદની સગીરા પ્રેમી સાથે મોબાઈલ પર વાત કરતા મળ્યો ઠપકો, ઘર છોડીને પ્રેમી સાથે ભાગી પછી...

• અમદાવાદની સગીરાને માતા-પિતાએ ઠપકો આપતા ઘર છોડ્યું
• ઘર છોડી પ્રેમી સાથે ભાગ્યા બાદ અડપલા કરતા થઈ પોલીસ ફરિયાદ
• એકલતાનો લાભ લઈ પ્રેમીકાને અડપલા કરનાર પ્રેમીની અટકાયત

અમદાવાદની સગીરાને ઘરેથી ઠપકો આપતા ઘર છોડી પોતાના પ્રેમી પાસે પહોંચી હતી. પરિવારજનોના મોબાઈલ ફોન પરથી સગીરા પ્રેમી સાથે વાત કરતા ઠપકો આપ્યો હતો. જેના કારણે માઠું લાગતા સગીરા ઘરેથી નીકળી પ્રેમી પાસે પહોંચી હતી. પરંતુ સગીરાને કારમાં લઈ જનારા પ્રેમીએ પણ સગીરાની એકલતાનો લાભ લઈ અડપલા કરતા તેના વિરુદ્ધ ફરિયાદ નોંધાવી હતી. 

આકાશ નામના મૂળ વેજલપુરમાં રહતો યુવક થોડા સમય પહેલા પાડોશીના ઘરે આવેલી સગીરાના સંપર્કમાં આવ્યો હતો. આ સગીરા તેના મોટા બાપાના ઘરે આવી હતી. અને આ દરમિયાન આકાશ સાથે સગીરાના ફોન નંબર અને સોશિયલ મીડિયાની આઈડીની આપલે થઈ હતી. બાદમાં બંને એકબીજાના પ્રેમ સંબંધમાં એકમેક થયા હતા. જોકે સગીરાના પરિવારને જાણ થતા બંનેને સમજાવ્યા હતા. આમ છતાં સગીરા સતત ફોન પર આકાશ સાથે વાત કરતી. પરિવારે ઠપકો આપતા તેને માઠું લાગ્યું અને ઘરેથી ભાગી ગઈ હતી. પ્રેમી આકાશને ફોન કરતા તે કાર લઈને આવ્યો અને નારણપુરા વિસ્તારમાં અજાણી જગ્યાએ લઈ જઈ સગીરાને અડપલા કર્યા હતા. આ બાદ સગીરાની માતાએ ફરિયાદ આપતા પોલીસે આરોપી આકાશની ધરપકડ કરી છે. 

પોલીસ તપાસમાં સામે આવ્યું કે,

એક મહિના અગાઉ મોડી રાત્રે આ સગીરા માતાના નામે ઇન્સ્ટાગ્રામ આઈડી બનાવી આકાશ સાથે વાત કરતા ઝડપાઇ હતી. આકાશ સગીરાને પ્રેમ કરતા લગ્ન કરવાનું વચન આપતો હતો. દીકરીની આ પ્રેમ કહાની સામે આવતા માતાએ તેને સમજાવી હતી. અને માતે પોતાના ફોનમાં પિન લોક રાખવાનું શરૂ કરી દીધું હતું. દોઢ મહિના બાદ ફરીથી આ સગીરા તેના પિતાના મોબાઈલ નંબરમાંથી આકાશ સાથે વાતચીત કરતી પકડાઈ હતી. એટલે પરિવારે ફોન આપવાનું બંધ કરી દીધું હતું. થોડા દિવસો બાદ સગીરા પાસેથી એક સાદો મોબાઈલ ફોન પકડાયો હતો અને તે ફોન આકાશે આપ્યો હોવાનું સામે આવ્યું હતું.