અમદાવાદ / મોદી સ્ટેડિયમ બાદ હવે અમદાવાદમાં સરકારનો મોટો પ્લાન, બનશે એવું કોમ્પ્લેક્સ કે દુનિયા જોતી રહી જશે

Kiran

Last Updated: 12:50 PM, 5 August 2021

FOLLOW ON

શેર કરો

અમદાવાદીઓ માટે આવ્યા સારા સમાચાર, નારણપુરામાં 19 એકરમાં રૂ.584 કરોડના ખર્ચે ઇન્ટરનેશનલ સ્પોર્ટ્સ કોમ્પ્લેક્સ બનશે

અમદાવાદમાં આંતરરાષ્ટ્રીય કક્ષાનું સ્પોર્ટસ કોમ્પ્લેક્સ બનશે
નારણપુરામાં વરદાન ટાવર નજીક બનશે સ્પોર્ટ કોમ્પ્લેક્સ
રાષ્ટ્રીય-આંતરરાષ્ટ્રીય અને પ્રાદેશિક રમતોને મળશે પ્રોત્સાહન

અમદાવાદમાં આંતરરાષ્ટ્રીય કક્ષાનું સ્પોર્ટસ કોમ્પ્લેક્સ બનશે

અમદાવાદને મળશે હવે સ્પોટ્સ સિટીની નવી ઓળખ, કેમ કે અમદાવાદના નારણપુરામાં વિશ્વ કક્ષાનું એક સ્પોર્ટ્સ કોમ્પ્લેક્સ તૈયાર થવા જઈ રહ્યું છે જેને કેન્દ્ર સરકારે મંજૂરી પણ આપી દીધી છે. નારણપુરા વિસ્તારમાં વરદાન ટાવર પાસે 19 એકર જમીનમાં રૂ. 584 કરોડના ખર્ચે વિશ્વ કક્ષાનું કોમ્પ્લેક્સ તૈયાર થનાર છે. આ કોમ્પલેક્ષ તૈયાર થયા બાદ રાષ્ટ્રીય-આંતરરાષ્ટ્રીય અને પ્રાદેશિક રમતોને પ્રોત્સાહન મળશે. એટલું જ નહીં ગુજરાતની રમત ગમત ક્ષેત્રે પણ એક અગલ ઓળખ બનશે.

કેન્દ્ર સરકારે સ્પોર્ટસ કોમ્પ્લેક્સ બનાવવા આપી મંજૂરી

જો વાત કરવામાં આવે તો આ સ્પોર્ટ્સ કોમ્પ્લેક્ષના નિર્માણ પ્રોજેક્ટને 6 વિવિધ ભાગોમાં વહેંચવામાં આવ્યોં છે જેમાં એક્વાટિક કોમ્પ્લેક્સ, કોમ્પ્યુનિટી સ્પોર્ટ્સ સેન્ટર, સેન્ટર ફોર સ્પોર્ટ્સ એક્સેલન્સ, ઇન્ડોર મલ્ટી સ્પોર્ટ્સ એરેના, ફિટ ઇન્ડિયા ઝોન અને આઉટડોર સ્પોર્ટ્સનો સમાવેશ કરવામાં આવ્યો છે. સાથે કોમ્પ્લેક્ષમાં 800 ટૂ-વ્હીલર અને 850 ફોર-વ્હીલર પાર્ક કરવાની સુવિધા પણ કરવામાં આવનાર છે. ખેલાડીઓ અને પ્રેક્ષકોને વાહન વ્યવહારમાં મુશ્કેલી ન પડે તે માટે સરળ ટ્રાન્સપોર્ટેશનની વ્યવસ્થા પણ કરવામાં આવશે.

અંદાજિત રૂપિયા 584 કરોડના ખર્ચે સ્પોર્ટ કોમ્પ્લેક્ષ બનશે

ગુજરાતમાં અમદાવાદ ખાતે કોમ્પલેક્ષ બનવા જઈ રહ્યું છે જેને કેન્દ્ર સરકારે પણ મંજુરી આપી દીધી છે સ્પોર્ટ્સ કોમ્પ્લેક્સ માટે કેન્દ્ર સરકાર દ્વારા ગ્રાન્ટ પણ આપવામાં આવનાર છે કેન્દ્રિય નાણા વિભાગે ગુજરાત સરકારને ગ્રાન્ટ આપશે જે બાદ મ્યુનિસિપલ કોર્પોરેશન ફાળવાશે. જોકે ગ્રાન્ટ આપતાં પહેલાં કોર્પોરેશન દ્વારા NOC, જમીનનું પઝેશન અને કન્સ્ટ્રક્શન કોન્ટ્રેક્ટરને આપેલા લેટર ઓફ વર્ક ઓર્ડર જેવા દસ્તાવેજો જમા કરાવવાનો રહેશે.