હૈદરાબાદ / ચોકલેટ ખોલીને જોયું તો અંદર ઈયળ ચાલતી હતી, યુવકે શેર કર્યો વીડિયો, કેડબરીએ જુઓ શું જવાબ આપ્યો

• હૈદરાબાદમાં ચોકલેટમાંથી જંતુનો નીકળતો વિડીયો વાયરલ 
• ચોકલેટ જાણીતી કંપની કેડબરીની હોવાનો દાવો 
• કેડબરીનો જવાબ આપતા કહ્યું, તમારી ચિંતાઓ ઉકેલવા માટે અમારી સાથે વાત કરો

Haidrabad Viral Video : હૈદરાબાદના એક વ્યક્તિએ ચોકલેટમાંથી નીકળતા જંતુનો વીડિયો શેર કર્યો છે. આ વીડિયો સોશિયલ મીડિયા પર વાયરલ થઈ રહ્યો છે. આ ચોકલેટ જાણીતી કંપની કેડબરીની હોવાનો દાવો કરવામાં આવી રહ્યો છે. પેકેટ ખોલતાની સાથે જ આ ચોકલેટની પાછળની બાજુએ એક જંતુ દેખાય છે અને તે પણ જીવંત. તે ક્રોલ કરતો જોવા મળે છે.  ઘણા યુઝર્સ કંપની પર સવાલ ઉઠાવી રહ્યા છે અને વળતરની માંગ કરી રહ્યા છે. આ મામલે કેડબરીનો જવાબ પણ આવી ગયો છે.

9 ફેબ્રુઆરીએ રોબિન જેકિયસ નામના યુઝરે એક વીડિયો અને ફોટો શેર કર્યો અને લખ્યું, રત્નદીપ મેટ્રોમાંથી ખરીદેલી આ કેડબરી ચોકલેટમાં એક જંતુ તું જોવા મળ્યું હતું. શું આવા વહેલા એક્સપાયર્ડ થતા ઉત્પાદનો માટે ગુણવત્તાની તપાસ છે? તેના માટે જવાબદાર કોણ? પોસ્ટમાં રોબિને ચોકલેટ બિલનો ફોટો પણ શેર કર્યો છે. વાયરલ પોસ્ટને અત્યાર સુધીમાં લગભગ 97 હજાર લોકો જોઈ ચૂક્યા છે. ઘણી ટિપ્પણીઓ પણ કરવામાં આવી હતી. 

એક યુઝરે લખ્યું, એવું લાગે છે કે આ ચોકલેટમાં ડબલ રેપિંગ નથી. તેને બે વાર વીંટાળવાનું કારણ જંતુઓને તેમાં પ્રવેશતા અટકાવવાનું છે. વપરાશ કરતા પહેલા હંમેશા ઉત્પાદન અને તેની સમાપ્તિ તારીખ તપાસો. અન્ય એક યુઝરે લખ્યું- હું મારી ભત્રીજીઓ અને ભત્રીજાઓ માટે ક્યારેય કેડબરી ચોકલેટ નહીં ખરીદીશ. એકે લખ્યું- વાહ કેડબરીની નવી ફ્લેવર.

Found a worm crawling in Cadbury chocolate purchased at Ratnadeep Metro Ameerpet today..

Is there a quality check for these near to expiry products? Who is responsible for public health hazards? @DairyMilkIn @ltmhyd @Ratnadeepretail @GHMCOnline @CommissionrGHMC pic.twitter.com/7piYCPixOx

— Robin Zaccheus (@RobinZaccheus) February 9, 2024

કેડબરી ડેરી મિલ્કે શું કહ્યું ? 
કેડબરી ડેરી મિલ્કે પોસ્ટનો જવાબ આપ્યો છે. તેણે લખ્યું છે, અમે ઉચ્ચ ગુણવત્તાના ધોરણો જાળવવાનો પ્રયત્ન કરીએ છીએ અને તમને આ નબળા અનુભવનો સામનો કરવો પડ્યો તે સાંભળીને અમને ખેદ છે. તમારી ચિંતાઓ ઉકેલવા માટે અમારી સાથે વાત કરો.

Hi, Mondelez India Foods Private Limited (formerly Cadbury India Ltd) endeavours to maintain the highest quality standards, and we regret to note that you have had an unpleasant experience. To enable us to address your concern, please write (cont) https://t.co/C6eLcUT2Fv

— Cadbury Dairy Milk (@DairyMilkIn) February 10, 2024

વધુ વાંચો: જિમમાં વર્કઆઉટ કરતાં સમયે ક્યારેય ન કરવી જોઈએ આ 5 ભૂલો, નહીંતર નહીં મળે કોઈ ફાયદો

કેડબરીના આ જવાબ પર એક યુઝરે લખ્યું- લાગે છે કે આ વ્યક્તિને ઘણી બધી ઉચ્ચ ગુણવત્તાની ચોકલેટ આપવામાં આવશે.