- કોંગ્રેસ અધ્યકક્ષ બાદ તેમનાં પુત્રએ કરી વડાપ્રધાન પર ટિપ્પણી
- પ્રિયંક ખડગેએ આડકતરી રીતે વડાપ્રધાન મોદીને અસમર્થ ગણાવ્યા
- પ્રિયંક ખડગેનાં નિવેદનથી હવે વિવાદનો મધપૂડો છંછેડાયો
કોંગ્રેસ અધ્યક્ષ મલ્લિકાર્જુન ખડગેએ તાજેતરમાં વડાપ્રધાન મોદી પર વિવાદાસ્પદ ટિપ્પણી કરી હતી. ખડગેના નિવેદન પરનો હોબાળો હજુ સમાપ્ત થયો નથી કે હવે તેમના પુત્ર અને પૂર્વ મંત્રી પ્રિયંક ખડગેએ પણ કંઈક એવું કહી દીધું છે જેનાથી વિવાદ સર્જાયો છે. વાસ્તવમાં પ્રિયંક ખડગેએ આડકતરી રીતે વડાપ્રધાન મોદીને અસમર્થ ગણાવ્યા છે.
પ્રિયંક ખડગેએ શું કહ્યું?
સંબોધન કરતાં પ્રિયંક ખડગેએ કહ્યું કે માલખેડા આવીને પીએમ મોદીએ બંજારા સમાજને કહ્યું હતું કે બંજારા સમાજનો દીકરો દિલ્હીમાં છે, પરંતુ જો દીકરો નાલાયક હશે તો ઘર કેવી રીતે ચાલશે? મળતી માહિતી મુજબ પ્રિયંક ખડગેએ કહ્યું કે વડાપ્રધાન પોતાને બંજારા સમુદાયનો પુત્ર ગણાવીને તેમણે જ બંજારા સમુદાય માટે અનામતની સમસ્યા ઊભી કરી છે.
કર્ણાટક સરકારે રાજ્યમાં અનામતને લઈને એક નવી પ્રણાલી બનાવી
કર્ણાટક સરકારે રાજ્યમાં અનામતને લઈને એક નવી પ્રણાલી બનાવી છે. જેના કારણે બંજારા સમુદાયનો અનામતનો હિસ્સો ઓછો થવાની આશંકા છે. પ્રિયંક ખડગેએ કહ્યું કે રૂપસા કોન્ટ્રાક્ટ યુનિયને તમને ઘણી વખત પત્ર લખ્યો છે. પરંતુ તમારી પાસે તે પત્ર વાંચવાનો સમય નથી. શું તમારી પાસે ખેડૂતોની આત્મહત્યાની યાદી છે? ખડગેએ કહ્યું કે જો તમે ટીકા સહન કરી શકતા નથી તો તમારે રાજકારણ છોડી દેવું જોઈએ. ખડગેએ સવાલ કર્યો કે શું તમે ગુનાહિત પૃષ્ઠભૂમિ ધરાવતા વ્યક્તિને ટિકિટ નથી આપી? તમે બાળકોના દૂધના પાવડર ચોરને ટિકિટ ન આપી?
મલ્લિકાર્જુન ખડગેના નિવેદન પર હોબાળો ચાલુ છે
પ્રિયંક ખડગેના વિવાદાસ્પદ નિવેદનના થોડા દિવસો પહેલા તેના પિતા મલ્લિકાર્જુન ખડગેએ પણ પીએમ મોદી પર અપમાનજનક ટિપ્પણી કરી હતી. કલબુર્ગીમાં એક રેલીને સંબોધતા મલ્લિકાર્જુન ખડગેએ કહ્યું હતું કે 'ભૂલ ન કરો, પીએમ મોદી ઝેરીલા સાપ જેવા છે, જો તમને લાગે કે તે ઝેરી નથી તો તેને ચાટી લો, તમે હંમેશ માટે સૂઈ જશો'. ખડગેના આ નિવેદન પર ભારે હોબાળો થયો હતો અને ભાજપે કોંગ્રેસને ઘેરવાનો પ્રયાસ કર્યો હતો. જોકે, બાદમાં ખડગેએ તેમના નિવેદનની સ્પષ્ટતા કરતા કહ્યું કે તેમણે પીએમ મોદી વિશે નહીં પણ ભાજપની વિચારધારા વિશે ટિપ્પણી કરી હતી.
