ક્રિકેટ / પાકિસ્તાન સામે શાનદાર પ્રદર્શન બાદ હાર્દિક પંડ્યાએ ICC Rankings માં કર્યો કમાલ, અચાનક થયો મોટો ફાયદો

• ICC એ નવી રેન્કિંગ જાહેર કરી દીધી
• હાર્દિક પંડ્યા ટી-20ની ઓલરાઉન્ડરની રેન્કિંગમાં નંબર 2 પર
• વન ડે ઓલરાઉન્ડર રેન્કિંગમાં હાર્દિક પંડ્યા નંબર દશ પર 

એશિયા કપ 2023 વચ્ચે ફરી એકવાર ICC એ નવી રેન્કિંગ જાહેર કરી દીધી છે. એશિયા કપમાં ટીમ ઇન્ડિયા બે મેચ રમી છે, જેમાં એક વરસાદને કારણે ધોવાઈ ગઈ અને બીજી મેચમાં ભારતે નેપાળને દશ વિકેટથી પરાજય આપ્યો હતો, આ જીત સાથે ભારતીય ટીમ સુપર ફોરમાં આવી ગઈ છે. આ સાથે જ આઈસીસીએ નવી રેન્કિંગ જાહેર કરી છે જેમાં ઓલરાઉન્ડર હાર્દિક પંડ્યાને ખુબ જ ફાયદો થયો છે. હાર્દિકે બંને મેચમાં સારુ પ્રદર્શન કર્યું છે.

હાર્દિક પંડ્યા ટી-20ની ઓલરાઉન્ડરની રેન્કિંગમાં હવે નંબર 2 પર આવી ગયો છે. તો બાંગ્લાદેશના સાકીબ ઉલ હસન નંબર એક પર આવી ગયો છે. સાકીબની રેન્કિંગ 288 છે. તો હાર્દિક 240 રેન્કિંગ રેટિંગ સાથે બીજા નંબરે છે. ત્રીજા નંબરની વાત કરીએ તો 224 રેટિંગ સાથે અફઘાનિસ્તાનના મહોમ્મદ નાખી છે. એટલે કે હાર્દિક પંડ્યાને નંબર એક પર પહોંચવામાં સમય લાગશે, પરંતુ તેમની નજીક ત્રણ નંબર વચ્ચે ખુબ જ મોટુ અંતર છે. 

 વન ડે રેન્કિંગમાં હાર્દિક પંડ્યાને થયો ખુબ જ ફાયદો

તો વન ડે ઓલરાઉન્ડરના રેન્કિંગની વાત કરીએ તો હાર્દિક પંડ્યા નંબર દશ પર પહોંચી ગયો છે. વન ડેમાં હાર્દિકની રેટિંગ 220ની છે. અહીં પણ 372ના રેટિંગ સાથે સાકીબ ઉલ હસન નંબર એક પર છે. જયારે 302 ના રેટિંગ સાથે મોહમ્મદ નબી બીજા નંબર પર યથાવત છે. હાર્દિક પંડ્યાએ નેપાળ વિરુદ્ધ આઠ ઓવરમાં 34 રન આપી એક વિકેટ લીધી હતી. જયારે પાકિસ્તાન સામે 81 બોલમાં 82 રન બનાવી ખુબ સરસ ઇનિંગ રમી હતી. જેમાં સાત ફોર અને એક સિક્સ ફટકારી હતી. 

હાર્દિક પંડ્યાએ સારુ પર્ફોર્મ એવા સમયે કર્યું હતું જયારે પાકિસ્તાન સામે ભારતીય ટીમનો ટોપ ઓર્ડર ધરાસાયી થઇ ગયો હતો. આ મુશ્કેલ સમયમાં ઈશાન કિશન અને હાર્દિક પંડ્યાએ પાર્ટનરશીપ બનાવી ટીમને સન્માનજનક સ્કોર સુધી પહોંચાડી હતી. જો કે વરસાદને કારણે ભારતની બોલિંગ આવી ન હતી અને બંને ટીમને એકએક પોઇન્ટ આપવામાં આવ્યા હતા.