મનોરંજન / ફિલ્મ રિલીઝ પહેલાં જ 'Gadar 2'ના એડવાન્સ બુકિંગ માટે પડાપડી, ખુદ ડાયરેક્ટરે કહ્યું 'ભગવાનની કૃપા'

• ગદર 2 ફિલ્મ 11 ઓગસ્ટે રિલીઝ થવાની છે
• ફિલ્મનું એડવાન્સ બુકિંગ જબરદસ્ત થઈ રહ્યું છે
• અક્ષયની OMG-2 સાથે ટક્કર થવા જઈ રહી છે

Advance booking of 'Gadar 2': ફિલ્મ 'ગદર'નો બીજો ભાગ રિલીઝ માટે તૈયાર છે. ગદર 2 ફિલ્મ 11 ઓગસ્ટે રિલીઝ થવાની છે અને તેને 10 કટ સાથે UA પ્રમાણપત્ર આપવામાં આવ્યું છે. ફિલ્મ રિલીઝ થવામાં 7 દિવસ બાકી છે અને મેકર્સ ફિલ્મનું જોરશોરથી પ્રમોશન કરી રહ્યા છે. હાલમાં જ સની દેઓલ દેશના જવાનો સાથે ગદરના ગીતો પર ડાન્સ કરતો જોવા મળ્યો હતો. હવે ફિલ્મનું એડવાન્સ બુકિંગ પણ શરૂ થઈ ગયું છે અને ટિકિટો પણ ખૂબ બુક થઈ રહી છે.

Jus saw book my show .. rajmandir jaipur is yellow for full week .. GOD is kind on #gadar2 tremendous booking .. jabki booking in major chain Inox pvr n other multiplex are not open yet .. going to open today eve ..thx audience 🙏 pic.twitter.com/UgePBhT4Ia

— Anil Sharma (@Anilsharma_dir) August 2, 2023

અનિલ શર્મા એડવાન્સ બુકિંગ જોઈને ખૂબ જ ખુશ 
લાંબા સમય બાદ બોલિવૂડ એક્ટર સની દેઓલ તેની ફિલ્મ ગદર 2 સાથે મોટા પડદા પર કમબેક કરી રહ્યો છે. વર્ષ 2001માં અનિલ શર્મા દ્વારા નિર્દેશિત ફિલ્મ 'ગદર'એ બોક્સ ઓફિસ પર ધૂમ મચાવી હતી. હવે 22 વર્ષ પછી ડિરેક્ટર અનિલ શર્મા ગદર 2 લઈને આવી રહ્યા છે. આ ફિલ્મમાં ફરી એકવાર સની દેઓલ અને અમીષા પટેલની જોડી જોવા મળવાની છે.  ફિલ્મના દિગ્દર્શક અનિલ શર્મા ગદર 2 માટે એડવાન્સ બુકિંગ જોઈને ખૂબ જ ઉત્સાહિત છે અને તેમણે ટ્વિટર પર આ વાત વ્યક્ત પણ કરી છે. અનિલ શર્માએ ટ્વીટ કરીને લખ્યું કે 'હમણાં જ બુક માય શો જોયો. ભગવાન ગદર 2 ને આશીર્વાદ આપે, બુકિંગ જબરદસ્ત થઈ રહ્યું છે'.

એડવાન્સ બુકિંગ જબરદસ્ત થઈ રહ્યું છે
રવિવારથી જ સની દેઓલ અને અમીષા પટેલ સ્ટારર ફિલ્મ 'ગદર 2' માટે એડવાન્સ બુકિંગ શરૂ થઈ ગયું છે. જો મીડિયા રિપોર્ટ્સનું માનીએ તો અત્યાર સુધીમાં ફિલ્મની 1985 ટિકિટ મૂવીમેક્સ સિનેમામાં, મિરાજ સિનેમામાં 2500 ટિકિટ તો સિનેપોલિસમાં 3900 એડવાન્સ ટિકિટ બુક થઈ છે. અંહિયા મહત્વની વાત એ છે કે આ છેલ્લા 3 દિવસનો આંકડો છે અને હવે ફિલ્મ રિલીઝ થવામાં 7 દિવસ બાકી છે. ખાસ વાત એ છે કે પીવીઆર અને આઈનોક્સમાં હજુ સુધી ફિલ્મનું એડવાન્સ બુકિંગ ખુલ્યું નથી. જ્યારે પીવીઆર અને આઈનોક્સમાં એડવાન્સ બુકિંગ ખુલશે ત્યારે આંકડો વધુ વધી શકે છે.

एडवांस बुकिंग अब शुरू हो चुकी है! 🤩
इस स्वतंत्रता दिवस, देखिए तारा सिंह की कहानी सहपरिवार। 💥
अभी बुक कीजिये अपने टिकिट्स। 🎟️
🔗 - https://t.co/VsshXlwymD#Gadar2 आ रही है बड़े पर्दे पर 🔥 लगाने इस स्वतंत्रता दिवस! 🇮🇳
सिनेमा घरों में 11 अगस्त से।@ZeeStudios_ @iamsunnydeol pic.twitter.com/Fg32KigObS

— GadarOfficial (@Gadar_Official) August 1, 2023

અક્ષયની OMG-2 ટક્કર થવા જઈ રહી છે
જણાવી દઈએ કે એડવાન્સ બુકિંગના કિસ્સામાં તાજેતરમાં રિલીઝ થયેલી 'રોકી ઔર રાની કી પ્રેમ કહાની'ની 12,000 ટિકિટો વેચાઈ હતી. જ્યારે 'સત્યપ્રેમ કી કથા'ની 9,800 ટિકિટો વેચાઈ હતી. નોંધપાત્ર રીતે ફિલ્મના નિર્માતા અને નિર્દેશકો પણ ગદર-2ની જબરદસ્ત એડવાન્સ બુકિંગથી ખુશ છે. જો કે 11 ઓગસ્ટે અક્ષય કુમાર શિવના દૂત તરીકે દસ્તક આપી રહ્યો છે. આ જ દિવસે ફિલ્મ OMG-2 પણ રિલીઝ થવા જઈ રહી છે. બંને ફિલ્મોને લઈને સોશિયલ મીડિયા પર અત્યારથી જ ટકરાવ શરૂ થઈ ગયો છે.