મનોરંજન / લગ્ન કર્યા વિના જ મા બનવા જઈ રહી છે અભિનેત્રી Ileana D'cruz, ફેન્સે પૂછ્યું- પિતા કોણ છે?

• ઇલિયાના ડીક્રુઝે 2 તસવીરો શેર કરીને પોતાની પ્રેગ્નન્સીની જાહેરાત કરી
• સેલેબ્સથી લઈને ચાહકોએ ઇલિયાનાને આપ્યા અભિનંદન
• ફેન્સે પૂછ્યું પિતાનું નામ 

રણબીર કપૂર અને પ્રિયંકા ચોપરાની ફિલ્મ 'બરફી'થી બોલિવૂડમાં એન્ટ્રી કરનાર ઇલિયાના ડીક્રુઝે ફિલ્મોમાં વધુ ચાલી નહીં પણ સોશિયલ મીડિયા દ્વારા તેના ફેન્સ સાથે જોડાયેલી રહે છે. એવામાં આજે સવારે સોશિયલ મીડિયા પર ચાહકો સાથે સારા સમાચાર શેર કર્યા. જણાવી દઈએ કે ઇલિયાના ડીક્રુઝે 2 તસવીરો શેર કરીને પોતાની પ્રેગ્નન્સીની જાહેરાત કરી છે. એ વાત સામાન્ય છે કે આ પોસ્ટ જોઇને સેલેબ્સથી લઈને તેમના ચાહકો ઇલિયાનાને અભિનંદન આપી રહ્યા છે. 

ઇલિયાના ડીક્રુઝે પ્રેગ્નન્સીની જાહેરાત કરી
સોશિયલ મીડિયા પર કરેલ પોસ્ટમાં ઇલિયાના ડીક્રુઝે જણાવ્યું કે તે ગર્ભવતી છે અને તેના પહેલા બાળકના આવવાની રાહ જોઈ રહી છે અને એ સાથે જ ઇલિયાના ડીક્રુઝે 2 તસવીરો શેર કરી છે. શેર કરેલ પહેલી તસવીરમાં ન્યૂ બોર્ન બેબીનો બોડીસૂટ દેખાઈ રહ્યો છે, જેના પર 'હવે એડવેન્ચર શરૂ થઈ ગયું ', અને ઇલિયાનાની બીજી તસવીરમાં એક પેન્ડન્ટ દેખાય છે, જેના પર 'મામા' લખેલું છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Ileana D'Cruz (@ileana_official)

ફેન્સે પૂછ્યું પિતાનું નામ 
આ તસવીરો સાથે ઇલિયાનાએ લખ્યું છે કે, 'કમિંગ સુન, લિટલ ડાર્લિંગ તને મળવાની રાહ નથી જોઈ શકતી.' હવે એક બાજુ જ્યાં સેલેબ્સ અને ફેન્સ ઇલિયાના ડીક્રુઝની આ પોસ્ટ પર તેને અભિનંદન આપી રહ્યા છે, તો કેટલાક ફેન્સ ઇલિયાનાને તેના ભાવિ બાળકના પિતાનું નામ પૂછી રહ્યા છે. 

ઈલિયાના ડીક્રુઝ તેની ફિલ્મોની સાથે સાથે તેના અંગત જીવન માટે પણ ચર્ચામાં રહે છે. જણાવી દઈએ કે ગયા વર્ષે ઇલિયાના અને કેટરિના કૈફના ભાઈ સેબેસ્ટિયનને ઘણી વખત સાથે જોવામાં આવ્યા હતા અને એ બાદ તેમના ડેટિંગના સમાચાર વાયરલ થઈ રહ્યા હતા. જો કે આ અંગે અભિનેત્રીની પ્રતિક્રિયા હજુ સુધી આવી નથી. સાથે જ હાલમાં ઇલિયાનાનો એક મ્યુઝિક વીડિયો રિલીઝ થયો છે જેમાં તે પ્રેગ્નન્ટ જોવા નહતી મળી.