છેતરપિંડીની ઘટના / બોલીવુડના દિગ્ગજ અભિનેત્રીને ઓનલાઈન દારુ મંગાવવો પડ્યો મોંઘો, થઈ મોટી ઠગાઈ, જાણો મામલો

• બોલીવુડના દિગ્ગજ અભિનેત્રી શબાના આઝમી સાથે બની ઘટના
• ઓનલાઈન દારુનો ઓર્ડર કર્યો, પૈસા પણ ચુકવી દીધા
• છતાં દારુ ન આવ્યો, ઓનલાઈન ઠગાઈનો ભોગ બન્યાં 

શબાના આઝમીએ ટ્વિટ કરીને જાણકારી આપી 

શબાના આઝમી (Shabana Azmi)એ ગુરુવારે ટ્વીટર પર ટ્વીટ કરીને જાણકારી આપી હતી કે એક દારૂ ડિલિવરી ઓનલાઈન પ્લેટફોર્મે તેમને દગો આપ્યો છે. તેમની પોસ્ટમાં શબાના આઝમીએ દાવો કર્યો છે કે દારૂ ડિલિવરી પ્લેટફોર્મે તેમની પાસેથી પૈસા લઈ લીધા છે, સાથે તેમને ઓર્ડર પણ કર્યો હતો. જો કે તેને હજી સુધી દારૂની ડિલીવરી કરી નથી.

આવી રીતે ઓનલાઈન છેતરપિંડનો ભોગ બન્યાં

શબાના આઝમીએ ટ્વીટ કરીને લખ્યું, ‘સાવચેત રહો! તેઓએ મારી સાથે છેતરપિંડી કરી છે. મેં પૈસા આપી દીધા છે. મેં ઓર્ડર પણ આપ્યો હતો. આ વસ્તુની હજુ સુધી ડિલીવરી નથી થઈ. સાથે જ તેઓએ મારા કોલ ઉપાડવાનું બંધ કરી દીધું છે. શબાના આઝમીએ પણ ટ્વીટ સાથે ટ્રાન્ઝેક્શનની વિગતો આપી છે. આઝમીએ તે ન કહ્યું કે તેઓ કેટલી રકમની છેતરપિંડીનો ભોગ બન્યા છે. સાથે જ તેમણે આ વાતની માહિતી આપી નથી કે આ મામલે ફરિયાદ નોંધાવી છે કે કેમ.

BEWARE I have been cheated by them. #Living Liquidz I paid upfront and when the ordered item didnt turn up they stopped picking up my calls!
I paid Account no.919171984427
IFSC- PYTM0123456
Name living liquidz
Paytm payment bank

— Azmi Shabana (@AzmiShabana) June 24, 2021

ટ્વિટ વાયરલ થયું
શબાના આઝમી દ્વારા ટ્વિટ કરવામાં આવ્યાં બાદ તે વાયરલ થયું હતું. ચાહકોએ તેમની પોલીસ ફરિયાદ કરવાની વિનંતી કરી.  શબાના આઝમી હંમેશા તેમના ચાહકો સાથે વાતચીત કરતા રહે છે. આ કારણે તેમના ચાહકો પણ ખૂબ ઉત્સાહિત રહે છે. શબાના આઝમી હંમેશાં તેમના નિવેદનોને કારણે વિવાદોમાં રહે છે. શબાના આઝમી તેમના નિવેદનોને કારણે સોશિયલ મીડિયા પર પણ ટ્રેન્ડ થતા રહે છે. આ સિવાય તેઓ ઘણી વખત ટ્રોલિંગનો શિકાર થયા છે.