- 2019ના વર્ષમાં ટીમ ઇન્ડિયાના નામે રહી જીત
- ટીમ ઇન્ડિયાએ આ વર્ષમાં સૌથી વધુ વન ડે મેચ જીતી છે
- સૌથી વધુ રન ભારતીય બેટ્સમેનોએ ફટકાર્યા છે
શરૂઆત કરીએ વર્ષમાં સૌથી વધુ જીતથી. ભારતે આ વર્ષે સૌથી વધુ 19 વન ડે મેચ જીતી છે. ભારતની સફળતાનો દર 70.37 ટકા રહ્યો. ભારત ૨૦૧૯માં 28 મેચ રમ્યું, જેમાંથી આઠ મેચમાં હારનો સામનો કરવો પડ્યો. એક મેચમાં પરિણામ આવી શક્યું નહીં. વિન્ડીઝે પણ આ વર્ષમાં ભારત જેટલી જ મેચ રમી છે. આમ વિન્ડીઝ-ભારત વર્ષમાં સૌથી વધુ મેચ રમવાના મામલામાં સંયુક્તરૂપે નંબર વન રહી. વિન્ડીઝ 2019માં માત્ર 10 મેચ જ જીતી શક્યું છે.
ભારતીય ટીમ 2019માં 28માંથી માત્ર આઠ મેચ હારી. આ આંકડો ખરાબ ના કહી શકાય, પરંતુ ભારતીય ક્રિકેટપ્રેમી વિશ્વકપની સેમિફાઇનલમાં ન્યૂઝીલેન્ડ સામે થયેલા પરાજયને ભૂલી શકે એમ નથી. ભારતીય ટીમ એ મેચમાં જીતની દાવેદાર તરીકે મેદાનમાં ઊતરી હતી, પરંતુ કિવી ટીમ ભારે પડી હતી.
રોહિત શર્મા નંબર વન બેટ્સમેન
ભારતે વર્ષમાં સૌથી વધુ મેચ જીતવા ઉપરાંત વ્યક્તિગત રેકોર્ડમાં પણ મેદાન માર્યું છે. રોહિત શર્માએ વન ડે ક્રિકેટમાં આ વર્ષે સૌથી વધુ રન બનાવ્યા છે. રોહિતે 28 મેચની 27 ઇનિંગ્સમાં 57.30ની સરેરાશથી 1490 રન બનાવ્યા છે. ભારતીય કેપ્ટન વિરાટ કોહલી સૌથી વધુ રન બનાવવાના મામલામાં બીજા નંબર પર છે. તેણે ૨૬ મેચમાં 1377 રન બનાવ્યા છે. વિન્ડીઝનો શાઈ હોપ 1345 રન સાથે ત્રીજા નંબર પર છે. ઓસ્ટ્રેલિયાનો એરોન ફિંચ 1276 રન સાથે ચોથા અને પાકિસ્તાનનો બાબર આઝમ 1092 રન સાથે પાંચમા નંબર પર રહ્યો.
મોહંમદ શામી નંબર વન બોલર
2019માં વન ડે ક્રિકેટમાં સૌથી વધુ ભારતના જ મોહંમદ શામીએ ઝડપી છે. તેણે વર્ષમાં 21 વન ડે રમીને 42 વિકેટ ઝડપી. ટ્રેન્ટ બોલ્ટ 20 મેચમાં 38 વિકેટ સાથે બીજા નંબર રહ્યો. ન્યૂઝીલેન્ડનો જ લોકી ફર્ગ્યુસન 35 વિકેટ સાથે ત્રીજા, બાંગ્લાદેશનો મુસ્તફિઝુર રહેમાન 34 વિકેટ સાથે ચોથા અને ભારતનો ભુવનેશ્વર 33 વિકેટ સાથે પાંચમા સ્થાને રહ્યો. ભારતના સ્પિનરો કુલદીપ યાદવ અને યુઝવેન્દ્ર ચહલે પણ આ વર્ષ ઘણી બધી વિકેટ ઝડપી. કુલદીપ 32 વિકેટ સાથે આ યાદીમાં છઠ્ઠા નંબર પર છે અને યુઝવેન્દ્ર 29 વિકેટ સાથે નવમા નંબર પર છે.
સૌથી વધુ સદી ભારતીયોના નામ પર
વર્ષમાં સૌથી વધુ વન ડે સદી પણ ભારતીય ખેલાડીઓના નામે નોંધાઈ. રોહિત શર્માએ વર્ષમાં સાત સદી ફટકારી. કોહલીએ વર્ષમાં પાંચ સદી ફટકારી. આમ વર્ષમાં સૌથી વધુ સદી ફટકારવાના મામલે પણ ભારતના બે બેટ્સમેન ટોપ-2માં રહ્યા. એરોન ફિંચ અને શાઇ હોપ ચાર-ચાર સદી સાથે ક્રમશઃ ત્રીજા સ્થાને રહ્યા. ડેવિડ વોર્નર, જેસન રોય, જોસ બટલર, જોની બેરિસ્ટો, બાબર આઝમ, માર્ટિન ગપ્ટિલ, જો રૂટ, ઇમામ ઉલ હક અને એન્ડી બલબિર્નીએ વર્ષમાં ત્રણ-ત્રણ વન ડે સદી ફટકારી.
2019ની સૌથી સફળ ટીમ
| ટીમ |
મેચ |
જીત |
હાર |
ટાઈ |
નો-રિઝલ્ટ |
| ભારત |
28 |
19 |
8 |
0 |
1 |
| ઓસ્ટ્રેલિયા |
23 |
16 |
7 |
0 |
0 |
| ઈંગ્લેન્ડ |
22 |
14 |
5 |
1 |
2 |
| ન્યૂઝીલેન્ડ |
21 |
13 |
7 |
1 |
0 |
| દક્ષિણ આફ્રિકા |
19 |
11 |
7 |
0 |
1 |
| વેસ્ટ ઈન્ડીઝ |
28 |
10 |
15 |
0 |
3 |
| પાકિસ્તાન |
25 |
9 |
15 |
0 |
1 |
| બાંગ્લાદેશ |
18 |
7 |
11 |
0 |
0 |
| શ્રીલંકા |
7 |
14 |
0 |
0 |
0 |
| આયર્લેન્ડ |
14 |
6 |
7 |
0 |
1 |
ક્રિસ ગેઈલે સૌથી વધુ છગ્ગા ફટકાર્યા
વિન્ડીઝના ક્રિસ ગેઈલે 2019માં સૌથી વધુ છગ્ગા ફટકાર્યા. તેણે 17 વન ડેમાં 56 છગ્ગા ફટકાર્યા. ભારતીય ખેલાડી આ રેસમાં ટોપ-થ્રીમાં સ્થાન મેળવી શક્યા નથી. રોહિત શર્મા 36 છગ્ગા સાથે એરોન ફિંચ સાથે સંયુક્તરૂપે ત્રીજા નંબર રહ્યો. ઈંગ્લેન્ડનો ઈયોન મોર્ગન 41 છગ્ગા સાથે બીજા નંબર પર અને જોસ બટલર 32 છગ્ગા સાથે પાંચમા નંબર પર રહ્યો.
