પોરબંદર / સગાઇની વાત ચાલતા માધવપુરના પ્રેમી પંખીડાએ લીધો રૂંવાડા ઉભા કરી દે તેવો નિર્ણય, સમગ્ર પંથકમાં ચકચાર

• પોરબંદરના માધવપુર ગામે પ્રેમી યુગલનો આપઘાત
• ખાવડા સિમના વતની ગંગા મોકરિયાએ કર્યો આપઘાત
• યુવતીની સગાઇની વાત ચાલતી હોવાથી બંનેએ કર્યો આપઘાત

રાજ્યમાં આપઘાતના બનાવો વધી રહ્યા છે. નવ યુવાનો એક તરફી પ્રેમમાં હત્યા,પ્રેમમાં નાકામ થતા આપઘાતનો માર્ગ અપનાવે છે. આપઘાત એ કોઇ સમસ્યાનો અંતિમ ઉકેલ નથી.  નાની અમથી વાતમાં ખોટુ લાગી જતો મોતને વ્હાલુ કરી દે છે. મા બાપ અને પરિવારની પરવાહ કર્યા વિના જ જીવન ટૂંકાવી દેવાના બનાવો બની રહ્યા છે. કોણ જાણે કેવી રીતે આપઘાત કરવાનો જીવ ચાલતો હશે. ત્યારે પોરબંદરના માધવપુર ગામે પ્રેમી યુગલે આપઘાત કરતા ચકચાર મચી. 

માધવપુરમાં પ્રેમી યુગલનો આપઘાત

પોરબંદરના માધવપુરમાં પ્રેમી યુગલે આપઘાત કરતા ચકચાર મચી છે. ખાવડાના સીમમાં વતની ગંગા મોકરિયા નામની યુવતીએ આપઘાત કરી લીધો.  આપઘાત પાછળનું કારણ એ છે કે યુવતીની સગાઇની વાત ચાલતી હતી તેથી પ્રેમી પંખીડાએ આપઘાત કરી લીધો. આ બંનેના મૃતદેહ ઝાડ પરથી લટકતા મળી આવતા ઘટનાનો પર્દાફાશ થયો હતો. ઘટનાને લઇને ગામમાં ભારે શોકની લાગણી ફરી વળી છે. પરિવારજનો આઘાતમાં સરી પડ્યા છે. 

માધવપુર પોલીસે હાથ ધરી તપાસ

બનાવને પગલે માધવપુર પોલીસ ઘટના સ્થળે પહોંચી હતી. બંનેના મૃતદેહને નીચે ઉતારીને પીએમ માટેની તજવીજ શરુ કરવામાં આવી હતી.  ઘટનાને લઇને બંનેના પરિવારમાં ભારે ગમગીનીનો માહોલ જોવા મળ્યો હતો.ત્યારે નવયુવાનોએ એજ અપીલ છે કે કોઇ પણ સમસ્યાનો ઉકેલ આપઘાત ન હોય. દરેક સમસ્યાનું નિરાકરણ હોય જ છે.