મોંઘવારી / વરસાદ બાદ શાકભાજીમાં ભાવ વધારાનું ઝાપટું: ટામેટાં, આદું, લસણ, ઘાણાને ઘર બતાવવું મોંઘું, જુઓ લેટેસ્ટ રેટ

• ચોમાસુ શરૂ થતા ફરી શાકભાજીનાં ભાવમાં ભડકો
• રાજકોટ માર્કેટયાર્ડમાં 1 કિલો ટામેટાનો ભાવ રૂા. 150 પહોંચ્યો
• શાકભાજીનાં ભાવ વધતા ગૃહિણીઓનું બજેટ ખોરવાયું

રાજકોટ માર્કેટિંગ યાર્ડમાં 1 કિલો ટામેટાના ભાવ 150 રૂપિયા સુધી પહોંચ્યા છે. તો અન્ય લીલા શાકભાજીના ભાવ પણ 100 રૂપિયા આસપાસ પહોંચ્યા છે. કારણ કે, બિપરજોય વાવાઝોડાના કારણે શાકભાજીના પાકને ભારે નુકસાન પહોંચ્યું છે. અને આ કારણે વેપારીઓને પણ મોંઘા ભાવે શાકભાજી ખરીદવું પડી રહ્યું છે. 

મધ્યમ વર્ગ માટે ટામેટા ખરીદવા હાલ સોનું ખરીદવા બરાબર છેઃ ગૃહિણી
આ બાબતે ગૃહિણીએ જણાવ્યું હતું કે, તમામ શાકભાજીનાં ભાવ વધી રહ્યા છે. પરંતું ટામેટાનાં ભાવ તો આસમાને છે.  એવું લાગી રહ્યું છે. ત્યારે સરકારે શાકભાજીમાં કોઈ એક ભાવ નક્કી કરવો જોઈએ. ત્યારે  મધ્યમવર્ગ  જે છે તેમનાં માટે ટામેટા ખરીદવા સોનું ખરીદવા બરાબર છે. 

વાવાઝોડાનાં કારણે શાકભાજીના પાકને પણ નુકશાન થયુંઃ વેપારીઓ
ટામેટા હાલ અન્ય રાજ્યમાંથી આયાત થતા હોવાથી વધુ ભાવ છે. તો અન્ય શાકભાજીના પાકને પણ વાવાઝોડાના કારણે નુકસાન થયું છે. તેવામાં હજૂ 2 મહિના લોકોને આ મોંઘવારીનો સામનો કરવો પડી શકે છે તેવું વેપારીઓનું અનમાન છે.