ચોંકાવનારો ઘટસ્ફોટ / સુરતમાં ખસીકરણના નામે તંત્રએ 30 હજાર શ્વાન પાછળ ખર્ચ્યા રૂ. 2.90 કરોડ, પરંતુ RTIમાં 2700 જ હોવાનો ખુલાસો, તો વધારાના કૂતરા આવ્યાં ક્યાંથી?

• રખડતા શ્વાનને પકડવાને લઇને કૌભાંડ થયાનો ખુલાસો
• સુરતના નાગરિકે RTI કરતાં શ્વાનોને લઇ થયો મોટો ખુલાસો 
• 1થી વોર્ડ 101માં ફક્ત 2700 શ્વાન હોવાનો ખુલાસો 

Surat News: સુરતમાં રખડતા શ્વાનને પકડવાના નામે કૌભાંડ થયાનો ખુલાસો થયો છે. સુરતના નાગરિકે RTI કરતાં શ્વાનોને લઇ મોટો ખુલાસો થયો છે. સુરત મ્યુનિસિપલ કોર્પોરેશને કાગળ પર શ્વાન પકડવાની સંખ્યા વધારે દર્શાવી કૌભાંડ આચર્યાનો આરોપ લગાવવામાં આવ્યો છે. ત્યારે હવે સુરત મહાનગરપાલિકા કમિશનર કથિત કૌભાંડ બાબતે તપાસ કરે તેવી માંગ કરવામાં આવી રહી છે. 

2700 રખડતા શ્વાન છે, તો 30 હજાર કેવી રીતે પકડ્યા
સુરત મહાનગરપાલિકા ફરી વિવાદોમાં સપડાઈ છે. શહેરમાં રખડતા કૂતરાઓની સંખ્યા અને સમસ્યા અંગે આરટીઆઈ દ્વારા ચોંકાવનારો ખુલાસો થયો છે. જે મુજબ સુરતના 1થી 101 વોર્ડમાં ફક્ત 2700 રખડતા શ્વાન હોવાનો RTIમાં ખુલાસો થયો છે. જ્યારે છેલ્લા 5 વર્ષમાં 30 હજારથી વધુ શ્વાન પકડ્યા છે અને શ્વાનને પકડીને ખસીકરણ કરવા મહાપાલિકાએ 2.90 કરોડ રૂપિયા ખર્ચ કર્યા છે. ત્યારે હવે સવાલ એ છે કે, સુરત શહેરમાં કુલ 2700 જેટલા રખડતા શ્વાન છે, તો 30 હજાર શ્વાન ક્યાંથી લાવીને પકડ્યા.

RTI એક્ટિવિસ્ટે કરી હતી RTI 
વાસ્તવમાં સુરતના RTI એક્ટિવિસ્ટ સંજય ઈઝાવાએ RTI કરીને સુરત મ્યુનિસિપલ કોર્પોરેશન પાસે રખડતા શ્વાનને લઈને માહિતી માંગવામાં આવી હતી. RTI એક્ટિવિસ્ટની આરટીઆઈના જવાબમાં મનપાએ જણાવ્યું છે કે સુરત શહેરમાં માત્ર 2700 શ્વાન છે, જ્યારે 30 હજાર શ્વાનનું ખસીકરણ કરવામાં આવ્યું છે. 

સુરતમાં 80થી 90 હજાર શ્વાન હશે: એડિશનલ માર્કેટ સુપરિન્ટેન્ડેન્ટ
આ મામલે મનપાના એડિશનલ માર્કેટ સુપરિન્ટેન્ડેન્ટે જણાવ્યું કે, સુરતમાં 80થી 90 હજાર શ્વાન હશે. ગયા વર્ષે 30 હજાર શ્વાનની નસબંધીનો કોન્ટ્રાક્ટ આપ્યો હતો. જે પૂર્ણ થયું છે. તો અન્ય એક અધિકારીએ જણાવ્યું કે, તેઓ સેન્સર વિભાગમાં કામ કરે છે, તે કેવી રીતે થયું તેમને ખબર નથી,