SHORT & SIMPLE / પાટણના બુકડી વિસ્તારમા 60 વર્ષના વૃધ્ધે બે બાળકીઓ સાથે કર્યા અડપલા,પોલીસે આરોપીને ઝડપી પોક્સોની કલમ લગાવી

Vishal Khamar

Last Updated: 06:51 PM, 13 May 2023

FOLLOW ON

શેર કરો

પાટણનાં બુકડી વિસ્તારમાં બે બાળકીઓ સાથે શારીરીક અડપલા કરનાર વૃદ્ધ વિરૂદ્ધ પોલીસ મથકે ફરિયાદ નોંધાવવા પામી હતી. ત્યારે એ ડિવિઝન પોલીસે વૃદ્ધને ઝડપી પાડી તેની સામે કાર્યવાહી હાથ ધરી છે.

પાટણના બુકડી વિસ્તારમાં 2 બાળકી સાથે અડપલા કરનાર ઝડપાયો
પોલીસે 60 વર્ષીય આરોપી કન્હૈયાલાલને ઝડપી પાડ્યો
આરોપીએ 5 વર્ષીય 2 બાળકીઓ સાથે કર્યા હતા શારીરિક અડપલા

પાટણનાં બુકડી વિસ્તારમાં રહેતા 60 વર્ષીય વૃદ્ધ દ્વારા તેની પાડોશમાં જ રહેતા પરિવારની 2 બાળકીઓને લોભામણી લાલચ આપી બાળકીને ઘરે બોલાવી તેની સાથે શારીરીક અડપલા કરી બાળકીને જાનથી મારી નાંખવાની ધમકી આપી હતી. ત્યારે આ બાબતે બાળકીએ તેની માતાને જાણ કરતા માતાએ આધેડ સામે એ ડીવીઝન પોલીસ મથકે ફરિયાદ નોંધાવતા પોલીસે પોસ્કો હેઠળ ગુનો નોંધી આરોપીની અટક કરી હતી.

પોલીસે ધરપકડ કરી મેડિકલ ચેકઅપની તજવીજ હાથ ધરી
આ બાબતે એ ડીવીઝન પીઆઈ આર.એમ. પરમારે જણાવ્યું હતું કે, શહેરનાં બુકડી વિસ્તારમાં રહેતી સગીર વયની બે બહેનો સાથે તેઓની પાડોશમાં જ રહેતા આધેડ દ્વારા ચોકલેટ તેમજ બિસ્કીટ લેવાનાં બહાને બોલાવી શારીરીક છેડછાડ કરી જાનથી મારી નાંખવાની ધમકી પણ આપતો હતો. ત્યારે પોલીસે આરોપીને ઝડપી તેને મેડિકલ ચેકઅપ માટે મોકલવાની તજવીજ હાથ ધરી હતી.