Cyclone Yaas / ઓરિસ્સામાં યાસ વાવાઝોડાને લઈને આવ્યો ચોંકાવનારો કિસ્સો, માતા પિતા નવજાતનું રાખી રહ્યા છે ખાસ નામ

• વાવાઝોડા સમયે 750 બાળકનો જન્મ
• માતા-પિતાએ બાળકોનું નામ રાખ્યું 'યાસ'
• યાસ વાવાઝોડા પરથી રાખ્યું નામ
• ઓમાને રાખ્યું હતું યાસ વાવાઝોડાનું નામ
   

ઓરિસ્સામાં તાજેતરમાં યાસ વાવાઝોડાએ ભારે કહેર મચાવ્યો હતો. તે તો તમે સૌ જાણતા જ હશો. પણ કેટલાક એવા લોકો છે જેને યાસને હંમેશા માટે યાદગાર પ્રસંગ  બનાવી દીધો છે.  થયું એમ કે ઓડિશામાં વાવાઝોડા સમયે 750 બાળકોનો જન્મ થયો. જેમાંથી મોટાભાગના માતા-પિતાએ પોતાના બાળકોનું નામ યાસ રાખ્યું છે. આ માતા-પિતા બાળકોને યાસ નામ આપીને યાસ વાવાઝોડાને હંમેશા માટે યાદ રાખવા માગે છે..  તમને જણાવી દઈએ કે યાસ વાવાઝોડાનું નામ ઓમાને આપ્યું હતું. જે એક ફારસી શબ્દ છે. યાસનો અર્થ ચમેલી થાય છે.

શું કહે છે અધિકારીઓ
અધિકારીઓનું કહેવું છે કે પ્રદેશના અનેક ભાગમાંથી જાણકારી મળી રહી છે કે લોકો પોતાના નવજાતનું નામ ચક્રાવાતી તોફાન યાસ પરથી યાસ રાખી રહ્યા છે. વાવાઝોડાનું આ નામ ઓમાનથી આવ્યું છે અને તેનો અર્થ ચમેલી થાય છે. 

વાવાઝોડાના કારણે 6500 ગર્ભવતી મહિલાને રાહત શિબિરમાં લવાઈ હતી
રાજ્ય સરકારના જણાવ્યા અનુસાર ઓરિસ્સાના તટીય વિસ્તારોમાંથી 6500 ગર્ભવતી મહિલાઓને રાહત શિબિરમાં લાવવામાં આવી હતી. તેમાંથી જે પ્રેગનન્સીના છેલ્લા સ્ટેજમાં હતી તેને સ્થાનિક હોસ્પિટલ અને મા ગૃહમાં શિફ્ટ કરાઈ હતી. આ સિવાય કેટલીક મહિલાઓએ શેલ્ટર હોમમાં બાળકોને જન્મ આપ્યો હતો. ઉલ્લેખનીય છે કે બાલાસોરમાં આ વાવાઝોડામાં 165 બાળકોએ જન્મ લીધો જેમમાં 79 દીકરાઓ  અને 86 દીકરીઓ છે. આ પછી ભદ્રકમાં પણ 60 બાળકોએ જન્મ લીધો હતો. યાસ વાવાઝોડા સમયે ઓરિસ્સામાં કુલ 750 બાળકોએ જન્મ લીધો છે.