Lok Sabha Election 2024 : લોકસભા ચૂંટણીના પડઘમ વચ્ચે બિહારમાં પણ રાજકીય પક્ષો કવાયતમાં લાગ્યા છે. વાત જાણે એમ છે કે, બિહારમાં લોકસભાની 40માંથી 39 સીટો NDA પાસે છે. ભાજપને આશા છે કે આ વખતે NDAના ઉમેદવારો તમામ 40 બેઠકો જીતશે. તેમાંથી સાત લોકસભા સીટ હંમેશા RJD માટે પડકારરૂપ રહી છે. આ બેઠકો પર RJDનું માઈ સમીકરણ પણ કામ કરતું નથી. આ બેઠકો પર 1989થી ભાજપનું વર્ચસ્વ છે. લાલુ યાદવની સાથે તેજસ્વી પણ આ વખતે ભાજપને આંચકો આપીને આ બેઠકો જીતવાનો પ્રયાસ કરી રહ્યા છે.
વાત જાણે એમ છે કે, પશ્ચિમ ચંપારણ અને પૂર્વ ચંપારણ સહિત બિહારની 7 લોકસભા બેઠકો ભાજપ માટે લાઈફલાઈન સમાન છે. માત્ર વિધાનસભા જ નહીં પરંતુ ચંપારણ જ્યાંથી સંસદીય મતવિસ્તારોની મતગણતરી શરૂ થાય છે તે 1989થી ભાજપ પાસે છે. 2020ની વિધાનસભા ચૂંટણીમાં ભાજપને પશ્ચિમ અને પૂર્વ ચંપારણ જિલ્લામાં સૌથી વધુ બેઠકો મળી હતી. તમને જણાવી દઈએ કે, તિરહુત વિભાગના સાત લોકસભા મતવિસ્તાર વાલ્મીકીનગર, પશ્ચિમ ચંપારણ, પૂર્વ ચંપારણ, શિવહર, સીતામઢી, મુઝફ્ફરપુર અને વૈશાલી છે. આ બેઠકો NDA પાસે છે.
આ પરિવારનો પશ્ચિમ ચંપારણ છે દબદબો
ભાજપની નજરમાં ચંપારણનું મહત્વ એ વાત પરથી લગાવી શકાય છે કે, 75 ધારાસભ્યોમાંથી 15 માત્ર બે જિલ્લાઓ (પશ્ચિમ ચંપારણ અને પૂર્વ ચંપારણ)માંથી મળ્યા છે. જો આપણે લોકસભા સીટોની વાત કરીએ તો બંને ચંપારણ સાથે શિવહરને જોડીએ તો ચાર લોકસભા સીટો (વાલ્મીકીનગર, પશ્ચિમ ચંપારણ, પૂર્વ ચંપારણ, શિવહર) લાંબા સમયથી NDAના કબજામાં છે. રાધામોહન સિંહ અને રમા દેવી પૂર્વ ચંપારણ અને શિયોહરના સાંસદ છે. પશ્ચિમ ચંપારણ છેલ્લા 30 વર્ષથી જયસ્વાલ પરિવારના નિયંત્રણમાં છે. પહેલા મદન પ્રસાદ જયસ્વાલ અહીંથી સાંસદ હતા અને હવે તેમના પુત્ર ડૉ. સંજય જયસ્વાલ સાંસદ છે.
ભાજપની નજર વિધાનસભા ચૂંટણી પર
NDAના નેતાઓ n માત્ર લોકસભા ચૂંટણી પર નજર રાખી રહ્યા છે. ભાજપ માત્ર આ બધી બેઠકો જ નહીં પરંતુ દરેક વિધાનસભા મતવિસ્તારમાં સારી લીડ જાળવી રાખવા માંગે છે. વાસ્તવમાં 2025માં વિધાનસભાની ચૂંટણી છે. જો લોકસભાની ચૂંટણીમાં લીડ મળશે તો આગામી ચૂંટણીમાં તેને જીતમાં પરિવર્તિત કરવાનો પડકાર રહેશે. હકીકતમાં 2019ની ચૂંટણીમાં NDA 24 વિધાનસભા બેઠકો પર આગળ હતી પરંતુ 6 વિધાનસભા બેઠકો પર હારી ગઈ હતી. NDAએ ચંપારણમાં 21માંથી 17 બેઠકો જીતી હતી. જેમાંથી 15 એકલા ભાજપે જીત્યા હતા જ્યારે બે પર JDUના ઉમેદવારો જીત્યા હતા.
આ વિસ્તારમાં તો 31 વિધાનસભા બેઠકોમાંથી 25 પર ભાજપ
જો તિરહુત વિભાગની વાત કરીએ તો 31માંથી 25 બેઠકો પર ભાજપનો કબજો છે. 2015ની ચૂંટણીમાં 18 સીટો પર બીજેપી ઉમેદવાર વિજય હતા. 2015ની વિધાનસભા ચૂંટણી ભાજપ માટે રાજકીય રીતે સૌથી મુશ્કેલ ચૂંટણીઓમાંની એક હતી. ત્યારે નીતિશ કુમાર અને લાલુ યાદવ સાથે હતા. ત્યારે RJD અને JDUના 23 ઉમેદવારો જીત્યા હતા. તે સમયે સમગ્ર બિહારમાં ભાજપને માત્ર 53 બેઠકો મળી હતી.
વધુ વાંચો: 'આ લોકોએ તો જેલમાં હોવું જોઇએ...', ઘર બહાર શરણાર્થીઓના વિરોધ પ્રદર્શન પર ભડક્યાં અરવિંદ કેજરીવાલ
જોકે ડેટા પરથી સ્પષ્ટ થાય છે કે તિરહુત ડિવિઝન ભાજપનો ગઢ રહ્યો છે. આ જ કારણ છે કે લોકસભાની ચૂંટણી હોય કે વિધાનસભાની ચૂંટણી વડાપ્રધાન નરેન્દ્ર મોદી આ વિસ્તારમાં જાહેર સભાઓને ચોક્કસપણે સંબોધિત કરે છે. ત્રણ ચૂંટણીઓથી આ સતત ચાલુ છે. આને માત્ર સંયોગ જ કહી શકાય કે જવાહરલાલ નેહરુ (1964) અને રાજીવ ગાંધી (1985) પછી નરેન્દ્ર મોદી ત્રીજા વડાપ્રધાન છે જે ચંપારણની ધરતી પર આવ્યા છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
