ટેકનોલોજી / વરસાદ અને પાણીથી ફોનને સુરક્ષિત રાખવાની 6 સુપર ડુપર ટિપ્સ? જાણી લેજો નહીં તો સ્માર્ટફોન રમકડું થઈ જશે

• વરસાદની સીઝનમાં મોબાઈલ ફોન લઈ ઘરની બહાર નીકળવું બની જાય છે મુશ્કેલી
• જે ફોન વોટરપ્રુફ નથી હોતા તે ખરાબ પણ થઈ શકે છે
• તો જાણો ચોમાસાની ઋતુમાં મોબાઈન ફોનને સાવવાનાં ઉપાય

વરસાદની ઋતુ આનંદદાયક લાગે છે. પરંતુ કેટલીકવાર ઘરની બહાર નીકળવું મુશ્કેલ બની જાય છે. પરંતું મુશ્કેલી ત્યારે પડે છે જ્યારે ઓફિસ, કોલેજ કે કોઈ અગત્યના કામ માટે વરસતા વરસાદમાં ઘરની બહાર નીકળવું પડે છે.  આવી સ્થિતિમાં કપડાંની સાથે સાથે પાકીટ, બેગ અને મોબાઈલ પણ ભીના થઈ જાય છે.  ભીની થયેલી આ વસ્તુઓ ખરાબ પણ થઈ શકે છે.  જે ફોન વોટરપ્રુફ નથી હોતા તે વરસાદમાં ભીના થઈને ખરાબ પણ થઈ શકે છે. પરંતું તમે ચિંતા ન કરો અમે તમને એવી સરળ રીત વિશે જણાવી રહ્યા છીએ. જેનાથી વરસાદમાં તમારો સ્માર્ટ ફોન સુરક્ષિત રહેશે.

ફોનને વોટરપ્રૂફ પાઉચમાં રાખો
જ્યારે તમે ચોમાસામાં ઘરની બહાર નીકળો છો. ત્યારે ભારે વરસાદ પડે છે. આવી સ્થિતિમાં ખિસ્સામાં રાખેલો મોબાઈલ પણ ભીનો થઈ જાય છે. કેટલાક સ્માર્ટફોન વોટરપ્રૂફ હોય છે. પરંતુ તમારો ફોન મોંઘો નથી જેથી તે વરસાદને કારણે બગડી શકે છે. તેથી તેને વોટરપ્રૂફ પાઉચમાં રાખો. જેના કારણે ફોનમાં પાણી પ્રવેશતું નથી અને કેમેરા, સ્ક્રીન વગેરે પણ સુરક્ષિત રહે છે.

વોટરપ્રૂફ ફોન કેસનો ઉપયોગ કરો
તમારા ફોનને વરસાદના પાણીમાં ભીનો થતો અટકાવવા માટે, વોટરપ્રૂફ ફોન કવર ખરીદો.  જે તમારા સ્માર્ટફોનને ભેજથી બચાવે છે અને તેને વરસાદના પાણીમાં ભીનો થવા દેતો નથી.  બજારમાં ઘણા પ્રકારના ઉચ્ચ ગુણવત્તાવાળા વોટરપ્રૂફ કવર ઉપલબ્ધ હશે.  જે તમારા ફોનના મોડલમાં ફિટ થઈ શકે છે.

મોબાઈલ માટે ઝિપલોક બેગ ખરીદો
વારંવાર વરસાદમાં ફોન ભીનો થઈ જાય છે? તમે આ માટે ઝિપલોક બેગ ખરીદી શકો છો જેથી તમે પરેશાન ન થાઓ. વોટરપ્રૂફ કવર થોડા ખર્ચાળ છે.  તેના બદલે તમે ઓછી કિંમતે ઝિપલોક બેગ ખરીદીને તમારા ફોનને વરસાદ કે પાણીમાં ભીનો થવાથી બચાવી શકો છો. તમારા ફોનને સીલબંધ ઝિપલોક બેગમાં રાખો. તમારો મોબાઈલ વરસાદમાં ભીનો નહી થાય અને સુરક્ષિત રહેશે.

ભારે વરસાદમાં ફોનનો ઉપયોગ ન કરો
જો શક્ય હોય તો જ્યારે ભારે વરસાદ હોય તો ફોનને ઘરની લઈને ન નીકળો.  જો વરસાદના ટીપા સીધા ફોન પર પડે તો તેને નુકસાન થઈ શકે છે.  ફોન પર વધુ પડતું પાણી પડવાનાં કારણે પાણી ધીરે ધીરે ફોનની અંદર જઈને ફોનને બગાડી શકે છે.  જ્યારે ભારે વરસાદ પડે ત્યારે એવી જગ્યાએ રોકાઈ જાઓ કે જ્યાં ફોન ભીનો ન થાય અને સાથે છત્રી અવશ્ય  રાખો.

ભીના ફોનને ચાર્જ ન કરો 
જો તમારો ફોન ભીનો છે. તો તેને સારી રીતે સુકાવા દો. સૌથી પહેલા તમે કપડાથી પાણી લૂછી લો. ઘણી વખત ફોનની અંદર પાણી જતું રહેતું હોય છે.  ફોન ભીનો હોય તો તેને તરત ચાર્જ કરવાથી બેટરીને પણ નુકસાન થઈ શકે છે અને પછી ચાર્જિંગમાં સમસ્યા ઉભી થઈ શકે છે.  ઉપરાંત જો ફોન ભીનો થઈ જાય તો તેને ચાલુ રાખવાને બદલે તેને બંધ કરીને સિમ પણ કાઢી નાખો. આ ઉપરાંત ફોનને ક્યારેય ભીના હાથે ન પકડો. તેનાથી પણ ફોનમાં પાણી પ્રવેશી શકે છે.

આ ઘરગથ્થુ રીત પણ અજમાવજો
ઉપર જણાવેલા તમામ ઉપાયો અજમાવ્યા પછી પણ જો ફોન ભીનો થઈ ગયો હોય અથવા તેમાં પાણી ગયું હોય તો ફોનનું કવર કાઢી નાખો અને તેને તડકામાં સૂકવવા માટે ધાબા પર રાખો. ફોનને કપડા પર 15 મિનિટ સુધી તડકામાં રાખીને સૂકવવા દો.  તમે મોબાઈલને ચોખાના ડબ્બામાં પણ રાખી શકો છો. આમ કરવાથી  મોબાઈલમાંથી ભેજને શોષી લેશે.