કાર્યવાહી / અભિષેકના નામે ખોટું આધારકાર્ડ બનાવી 12માં ધોરણની સગીરાને પ્રેમજાળમાં ફસાવતો મોહમ્મદ સાજીદ

સુરતના ઈચ્છાપોર વિસ્તારમાં નાબાલિક યુવતી સાથે છેતરપીંડી અને દુષ્કર્મનો ગંભીર મામલો સામે આવ્યો છે. પોલીસ તપાસ મુજબ મુખ્ય આરોપી મોહમ્મદ સાજીદે પોતાની ઓળખ છુપાવવા માટે ‘અભિષેક ગુપ્તા’ નામે ખોટું આધારકાર્ડ બનાવ્યું હતું અને તેનાથી ધોરણ-12માં અભ્યાસ કરતી સગીરાને પ્રેમજાળમાં ફસાવી હતી.

ખોટી ઓળખ આપી યુવતી સાથે દુષ્કર્મ આચર્યું

આરોપીએ ખોટી ઓળખનો લાભ લઈ યુવતીનો વિશ્વાસ જીતી લીધો અને પછી તેના પર દુષ્કર્મ આચર્યું હોવાનું પોલીસ તપાસમાં બહાર આવ્યું છે. ઘટના બહાર આવતાં જ પોલીસે ઝડપી કાર્યવાહી હાથ ધરી હતી.

આરોપી બિહાર ભાગવાની તૈયારીમાં હતો

માહિતી મુજબ, આરોપી બિહાર ભાગી જવાની તૈયારીમાં હતો, પરંતુ તે પહેલા જ પોલીસે મુખ્ય આરોપી સાજીદને પકડી પાડ્યો હતો. આ કેસમાં તેને મદદ કરનાર તેના ભાઈ સહિત કુલ 5 લોકોને પોલીસે ઝડપી લીધા છે.

એડિટીંગ એપનો ઉપયોગ કરી સરકારી દસ્તાવેજમાં છેડછાડ કરી

તપાસ દરમિયાન વધુ એક ચોંકાવનારો ખુલાસો થયો છે કે આરોપીઓએ એડિટિંગ એપનો ઉપયોગ કરીને સરકારી દસ્તાવેજોમાં છેડછાડ કરી હતી અને તે આધારે હોટલમાં રૂમ બુક કરાવ્યો હતો.

એ.સી.ગોહિલ (પોલીસ ઇન્સ્પેક્ટર, ઈચ્છાપુર પોલીસ સ્ટેશન)

આરોપીઓના ચાર દિવસના રિમાન્ડ મંજૂર

ઈચ્છાપોર પોલીસે તમામ પાંચ આરોપીઓને કોર્ટમાં રજૂ કર્યા હતા, જ્યાંથી તેમને 4 દિવસના રિમાન્ડ પર મોકલવામાં આવ્યા છે. હાલમાં પોલીસે વધુ તપાસ હાથ ધરી છે અને કેસના અન્ય પાસાઓ પણ તપાસી રહી છે.

આ પણ વાંચોઃ નર્મદાની પરિક્રમા કરવાનું વિચારતા હોવ તો પહેલાં આટલું જાણી લેજો, નહીંતર હેરાન થઇ જશો!

પૂછપરછમાં વધુ ખુલાસા થવાની શક્યતા

ઈચ્છાપુર પોલીસ સ્ટેશનના પીઆઈ એ.સી.ગોહિલે જણાવ્યું હતું કે, આરોપીઓએ જે રીતે હિન્દુ નામનો ઉપયોગ કરી સગીરા સાથે છેતરપીંડિ આચરવામાં આવી છે. તેમજ પોલીસ દ્વારા લોકોમાં જાગૃતિ લાવવા માટે અપીલ કરવામાં આવી છે. તેમજ હાલ પાંચેય આરોપીઓની રિમાન્ડ દરમ્યાન પૂછપરછમાં વધુ ખુલાસા થવાની શક્યતાઓ છે. પોલીસ તે દિશામાં તપાસ કરી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ