કહેર / વિશ્વના 152 દેશો કોરોના વાયરસના સકંજામાં, ઈટલીમાં 1 દિવસમાં 175 લોકોના મોત, સંક્રમણનો કુલ આંકડો ચોંકાવનારો

• વિશ્વમાં ફેલાઈ રહ્યો છે કોરોનાનો કહેર
• કોરોનાનો કુલ મૃત્યુઆંક 5,821ને પાર
• વિશ્વમાં 1 લાખ 56 હજાર લોકો કોરોના સંક્રમિત

આ દેશમાં થયા આટલા મોત

ઈરાનમાં કોરોના વાયરસના કારણે 97 લોકોના મોત થયા છે. તો સ્પેન દેશમાં એક જ દિવસમાં 62 લોકોના મોત નીપજ્યા છે. ફ્રાંસમાં વધુ 12 લોકોના મોત, અમેરિકામાં વધુ 8 લોકોના મોત થયા છે. ઈંગ્લેન્ડમાં વધુ 10, નેધરલેન્ડમાં વધુ 2 લોકોના મોત અને ગ્રીસમાં 2 લોકોના મોત, ફિલિપીન્સમાં વધુ 2 લોકોના મોત થયા છે. જેને લઈને લોકોમાં ભયનો માહોલ સર્જાઈ રહ્યો છે. 

ઈટલીમાં ફસાયેલા ભારતીયોને પરત લાવવા સરકારની કવાયત

India in Milan: 211 students & 7 compassionate cases departed by Air India flight from Milan, in Italy. #CoronaVirus pic.twitter.com/OQ0O70qY89

— ANI (@ANI) March 15, 2020

ઈટલીમાં કોરોનાના કારણે ફસાયેલા ભારતીયો આજે પરત ફરશે. તેઓને  એર ઈંડિયાના વિશેષ વિમાન દ્વારા લાવવામાં આવશે. મિલાન માટે રવાના થયેલુ વિશેષ વિમાન આજે ભારત પરત ફરશે. આ વિમાન 220 જેટલા ભારતીય નાગરિકો સાથે વિમાન ભારત પહોચશે. પરત ફરેલા મુસાફરોના નિરીક્ષણ માટે ખાસ વ્યવસ્થા ઉભી કરાઈ છે. 

અહીં રાખવામાં આવશે ઈરાનથી પરત આવેલા ભારતીયોને

કોરોના વાયરસ મહામારી જાહેર થયા બાદ ઈરાનમાંથી સલામત રીતે બહાર કાઢવામાં આવી રહેલા લગભગ ૩૫૦ ભારતીય નાગરિકોને જેસલમેરમાં ભારતીય સેના દ્વારા તૈયાર કરવામાં આવેલા સ્પેશિયલ આઈસોલેશન વોર્ડમાં રાખવામાં આવશે. સેનાના પ્રવક્તા (રાજસ્થાન) કર્નલ સોમિત ઘોષે જણાવ્યું હતું કે, ઈરાનથી પરત લાવવામાં આવનારા અંદાજે ૧૨૦ ભારતીયોની પહેલી ટીમ આજે જેસલમેર પહોંચી જશે.