ચેતવણી / બાળકોને હવે તો મોબાઈલ ન જ અપાય ! ઝારખંડની મહિલા ભૂલમાં રહી તેમાં છોકરાએ 'પાડ્યો ખેલ'

• ઝારખંડના પાકુડની ઘટના
• મોબાઈલ ગેમ ફ્રી ફાયરમાં છોકરાએ ઉડાવ્યાં 92000 રુપિયા
• મમ્મીના મોબાઈલમાંથી બહાર મોકલતો રહ્યો પૈસા 

શાળામાં અભ્યાસ કરતા સગીર બાળકોમાં મોબાઈલ ગેમનો વધતો ક્રેઝ અને ખરાબ વ્યસનના કારણે અનેક ગુના બની રહ્યાં છે. આવો જ એક કિસ્સો ઝારખંડના પાકુર જિલ્લામાંથી સામે આવ્યો છે, જ્યાં એક 13 વર્ષના છોકરાએ મોબાઈલ ગેમ્સ (ફ્રી ફાયર)ના વ્યસનને કારણે પોતાની જ માતાના ખાતામાંથી 24 અલગ અલગ હપ્તામાં 91,814 રૂપિયા ઉપાડી લીધા હતા. 

છોકરાએ પૈસા ઉડાવી દીધા છતા ખબર ન પડી માતાને 
મહિલાએ તેના ખાતામાંથી પૈસા ગુમ કરવાના આરોપસર અજાણ્યા સાયબર ગુનેગારો વિરુદ્ધ પાકુરના હિરણપુર પોલીસ સ્ટેશનમાં ફરિયાદ નોંધાવ્યા બાદ આ મામલો પ્રકાશમાં આવ્યો હતો. કેસ નોંધાતા જ પોલીસે તપાસ શરૂ કરી દીધી હતી.
તપાસમાં પોલીસને જાણવા મળ્યું હતું કે મહિલાના ખાતામાંથી પૈસા પડાવનાર વ્યક્તિ તેનો સગીર 13 વર્ષનો પુત્ર હતો, જે અવારનવાર ફ્રી ફાયર ગેમ રમવા માટે તેની માતાના ફોનનો ઉપયોગ કરતો હતો. આ મોબાઈલમાંથી તેમણે યુપીઆઈ દ્વારા એક મહિનામાં 91 હજારથી વધુ રૂપિયા ઉપાડી લીધા હતા. બાળક યુપીઆઈ મારફતે જિલ્લાના હિરણપુરની એક દુકાનમાં પૈસા મોકલતો હતો અને દુકાનદાર પાસેથી રોકડ લેતો હતો. એ જ રીતે અત્યાર સુધીમાં 24 વખત કુલ 91,814 ઉપાડ્યા છે. આ ટ્રાન્જેક્શન માટે બાળકે ફોનપે એપનો ઉપયોગ કર્યો હતો.

16 હજારમાં એક ફોન ખરીદ્યો અને એક મિત્રને આપ્યો
ગુંજનના પુત્રએ પોલીસ સમક્ષ કબૂલાત કરી છે કે તેણે પૈસા ઉપાડી લીધા છે. તેણે કહ્યું કે, તે હિરણપુરની એક દુકાનમાં જતો હતો અને યુપીઆઈ મારફતે પૈસા મોકલતો હતો અને દુકાનદાર પાસેથી રોકડ લેતો હતો. આ જ રીતે તેમણે 24 વખત કુલ 91,814 રૂપિયા ઉપાડી લીધા હતા. જે તેના માતા-પિતાને પણ ખબર ન હતી. પૂછપરછ દરમિયાન છોકરાએ જણાવ્યું કે, તેણે તે પૈસામાંથી 16,000 રૂપિયાની કિંમતનો ફોન ખરીદ્યો હતો, જે તેણે તેના મિત્રને રાખવા માટે આપ્યો હતો.